[多奇出品] - 歐聯資格係奬賞定係雞肋?

曼聯現在打咗8場得9分排第12,但已經被利記同曼城拋離,當然現在講邊隊攞到今季歐聯資格仲有好大段路走,不過普遍嚟講球迷對曼聯攞到前四都不寄予厚望。咁其實我哋依班曼聯迷仲好唔好將球隊個目標放在前四呢?

0_Premier-League-Newcastle-United-v-Manchester-United.jpg

答依個問題前首先睇歐聯對球員有咩奬賞:

球會球員收入增加:歐聯會帶嚟巨額廣告同轉播費收入,而球員如果下年可以踢歐聯的話,人工亦都會增加。


為球員帶嚟知名度:歐聯係歐洲水準最高嘅比賽舞台,每位球員都希望參與同得到冠軍,而表現突出嘅球員會受到其他著名球員嘅注視。

FB_IMG_1555311003904.jpg

增加比賽嘅動力:每隊有競爭力嘅隊伍會喺自己國家聯賽踢得更加努力,更加拼命,除咗令比賽嘅可觀性增強外,亦都令球員更有進步。



得球迷嘅支持:曼聯係歐洲數一數二嘅球會,過去曾攞過唔少冠軍,所以為咗今球迷唔好失望,踢歐聯係一個基本嘅要求,佢亦帶俾球迷有種榮譽感。當滿足到球迷嘅需要時,球迷自自然然會支持球員。


講完奬賞,究竟歐聯係咪都係雞肋?


基礎未穩:球員間尚待磨合:今季太多青年球員升上或加入一隊,缺乏穩定嘅高水平比賽經驗,而技術亦都有待磨練。另外,一隊中亦都缺乏世界級同有經驗嘅球員撐場。而稍為有能力嘅球員唔係外借就係賣咗出去俾其他球會。例如:盧卡古、山齊士同史摩寧等。加上頭幾場成績未合預期,都令到球會內外同蘇B都面對巨大壓力。

sketch-1570964312555.png

缺乏冠軍班底:在費格遜年代就算成績幾差都好,都會有歐聯踢。原因係佢哋當時有奪冠骨幹成員,好似在2002-2003球季有碧咸、堅尼、史高斯同傑斯,其實嗰兩年費sir都有幾個失敗嘅收購。例如巴夫斯、科蘭、華朗同施維斯達,但最後就係靠班骨幹成員打起成隊波。現在蘇B就係冇班能攞冠軍嘅骨幹成員,當年費sir用咗5-6年時間建立。蘇B又要用幾耐時間呢?班高層同球迷亦都等唔等到佢用咁長時間去建立班底呢?

Scholes-1309.jpg

歐聯對現在嘅曼聯嚟講好似係一個較難達到嘅目標,不如睇埋佢哋嘅現有陣容有啲咩要執



攻擊線:前鋒線係唔夠人用,得福仔,馬仔同格連活特。福仔唔使講,呢排佢在球場上好迷失,唔知自己想點。馬仔就一個字:「傷」。格連活特就年輕有潛質,但英超上陣時間少,實力有待證明。



翼鋒:有占士、佩利亞同鍾泰希。占士表現唔錯,又有入波,可惜之後幾場就被人釘死。佩利亞就唔多講,基本嘅過人、出波都做唔好。鍾泰希有衝勁,肯跑肯搶,但出場機會少。

FB_IMG_1567785078943.jpg

攻中:有馬達、連加特同高美斯。馬達有閱讀球賽能力,但身體條件較差,同埋同隊友冇默契。連加特就肯跑,同隊友默契好,可惜就冇攻擊力。高美斯冇咩出場機會。


中場線:普巴被安排打自己唔係咁想打嘅防中嘅位置,在防守方面未盡責任,回防速度較慢,跑動亦未見勤力,而且間唔中在後場扭失波,佢扭失波之後通常會企喺度唔知做咩?相反,麥湯米尼就好珍惜自己能夠落場嘅機會,佢會安於本份,盡力做好自己防務同串連嘅工作。而且佢會去主動配合隊友,回防速度又快。但佢需要多啲比賽去吸收經驗。馬迪經驗豐富,指揮若定但狀態開始就下坡,未必可以維持90分鐘高水準嘅表現。費特攻強守弱,仲未可以擔起成條中場線。

3858.jpg

後防線:連迪洛夫逐漸了解英超球員嘅打法,表現開始有少許穩定,但可惜打法太過斯文,在爭頂頭搥同對抗性就輸蝕。麥佳亞就無論對抗性、攔截同頭搥方面都有水準,又具備領導才能,可惜同班後防線只係夾咗唔耐,默契有待建立。兩閘方面,左邊楊格就攻強守弱,年紀都唔細,對住啲年輕有速度嘅翼鋒就難以招架;右邊雲拜沙卡單對單防守力極高, 攔截準確但仲係年輕,助攻出波能力有待提升。迪基亞就面對對方射門時撲救反應快,夠冷靜。可惜就身型輸蝕,處理高空波方面較弱。

綜合嚟講,球隊處於磨合期,年青球員需要多啲機會參與比賽攞經驗;新加盟嘅球員就仲係同隊友在建立默契。而班老大哥在經驗同技術都未去到世界級,莫講話爭前四,爭歐霸資格都有一定難度。所以我個人認為佢哋專心打聯賽先,歐霸就俾後生吸收經驗。

43236b7f86829efd6ae5424b7bf2fc0f.jpg

仲有蘇B有近火同遠火要撲息。遠火就頭先講咗。而近火就係曼聯同護級區爭兩分。如果佢於冬季轉會窗唔買前鋒後果就......。仲有就係普巴嘅離隊問題,依件事好重要!究竟留佢定放佢走,如果放佢走又可以搵邊個代替佢呢?就好似NBA速龍在轉會窗換咗李安納同馬克加素就換咗個總冠軍返嚟。當然籃球同足球係唔同,我係想講今次轉會窗係個關鍵。你哋又認為買邊位球員會令曼聯可以改變現在水深火熱嘅局面呢?

所以,歐聯資格對於目前嘅曼聯到底係獎賞定雞肋?留待看官自行判斷喇。

[K11出品] 曼聯K角度 - 慘不忍睹

紐卡素對曼聯,本身為2位前曼聯球員作為領隊身份進行大對決,而賽前紐卡素排名18,曼聯則排名第10位。雖然是作客,但對方近況不濟,可惜的是,曼聯近況更弱。而最慘不忍睹的是,開賽後看不到曼聯有取勝的機會,相反紐卡素仍感到可能出現神來之筆的可能。結果於下半場,紐卡素一次反擊便正正將曼聯擊敗,落後之後更未看到曼聯是如何積極搶攻務求追和,結果亦以0:1作客落敗,最令人遺憾的是,實在說不出今場是爆冷落敗,幸好有國際賽期的回氣,且看蘇斯克查如何改進目前球隊的進攻力。

FB_IMG_1570385005442.jpg

正選陣容方面,門將為迪基亞,後防右至左為達洛特,杜安沙比,麥佳亞及楊格,防中為麥湯米尼及費特,進攻中場右至左為佩利亞,馬達及占士,正前鋒為拉舒福特。

FB_IMG_1570372550112.jpg

門將迪基亞,今仗最主要對手為馬菲朗史達夫,上半場27分鐘已有一球禁區外窩利令迪基亞欲救無從,幸好橫楣相助才得以幸保不失,可惜下半場71分鐘再一次面對此名19歲年青小將的割草式射門,迪基亞也無力挽救,其餘時間迪基亞未有太多工作需要他去做。

ipanews_d071abb6-c506-4f11-8574-eb6faea93661_1.jpg

後防方面,右閘達洛特今仗算是右路一個突破點,多次助攻傳中但也未能有隊友接應或被對手後衛解圍,59分鐘更因傷由洛荷入替。洛荷入替後負責中堅位置,所失一球未算上他的責任而其餘時間則保持平穩。

FB_IMG_1570388473218.jpg

左閘的楊格,今仗突破力不算太多而防守上也不算太困難,也便是沒有特別地渡過了85分鐘,由鍾泰希入替。10分鐘的時間不見得鍾泰希有能力為目前的曼聯逆轉,但態度非常積極,希望年青人保持信心吧。


中堅方面,杜安沙比今仗表現不俗,防守上已盡其責任而且表現冷靜,數據上也來得不錯,洛荷入替後轉為右閘反而令其表現有點患得患失。另一中堅麥佳亞,算是曼聯今仗表現較為平穩的一位,基本上後防沒有太多空間讓對手的阿米朗去突破,即使38分鐘走甩了對手讓其有半單刀機會但火速追回並將對手射門封阻成功,只可惜44分鐘接應角球一批卻柱邊出界,或成今仗賽果的關鍵。

2021-1.jpg

防中方面,麥湯米尼再次擔起曼聯中場重責,除了防守外,轉向及推進策動等等工作也由他去做,要知道麥湯米尼最強能力還是掃蕩,可惜今伊曼聯陣中未有人能分擔他的工作,其實也令各方面的能力下降了。另一防中為5千萬鎊先生的巴西球員費特,今仗本讓他負責牽引全隊由守轉攻,分邊轉向或交出關鍵傳球等等工作,但相比之下,對手射入奠勝球的19歲新人馬菲朗史達夫卻將費特完美比下去,而這名巴西球員連最基本的控球也做得不夠好,尾段接應佩利亞簡單傳球再控出界令後者無言的畫面仍歷歷在目......

FB_IMG_1570388467400.jpg

進攻線方面,左路的占士仍然是目前曼聯最具威脅的球員,可惜其於左路切入大位射門一招已被看穿並被加以防守,唯有靠其速度硬爆,可惜即使能做出傳中球也沒有人接應,而下半場轉往右翼位置也是類似的情況。

3700.jpg

右路方由佩利亞負責,表現平庸,反而有段時間走到中路,作出突破再射門一球更令人印象深刻,只可惜射得太正被杜巴卡沒收。下半場轉往左路情況也是相若,不過最令人失望相信是完場前的罰球處理,一腳將最後希望送出底線了。


進攻中場的馬達,的確地馬達在陣會令球隊進攻更為立體但無奈目前曼聯體系也並未令馬達的最佳發揮出來。馬達太多時候走了出來三閘線迎波轉向但反而到了對手禁區邊時卻甚少觸球,結果馬達根本未能威脅對手,而且馬達與前鋒的拉舒福特也沒太多的交流或合作,結果其實看不出這是一個進攻團隊,更多的感覺是一隊拉什成軍的球隊,65分鐘由格連活特入替。格連活特入替後於前鋒與右路之間活動而其所產生的威脅遠比此前的65分鐘,同時雖然未有出現接應成功但看到格連活特有著前鋒應有去攝位搶點的準備。



正前鋒的拉舒福特,再一次的錯配令其今仗表現繼續低迷,要留意很多時候隊友於中場準備傳球給他時,他是準備跑响對手後衛身後而非搶點先停球,此前我K11也曾說過,配合普巴的傳送還可以但要增加自己的路數,而且傳中球仍然是企定定的等待。賽事後段曾經走回左翼位置的他,卻感覺找回了昔日的自己,行動更覺自然。

sketch-1570522143088.png

戰術分析方面,再一次,再一次看到馬達與佩利亞同時出現於進攻中場的右翼及中路,效果一如以往般差,也令曼聯右翼的突破點消失了。





再一次,再一次又是福仔於單前鋒出現,情況當然也是相若,而賽事尾段當福仔走到左翼位置,感覺卻看出福仔身上重現了一點點的氣。

FB_IMG_1570388484521.jpg

說實話,不希望用咎由自取來形容蘇斯克查的排陣但這個無效的攻擊組合(福仔踢單前鋒,馬達與佩利亞同場)也不是第一次運用,為何仍然不改變? 如果要說沒有兵源那當初是誰將盧卡古及山齊士送走引致今天出現慘不忍睹的情景呢?

FB_IMG_1570388493155.jpg

鳴謝各位支持文字直播及即討區,下場見。

[多奇出品] - 紐卡素對曼聯賽後檢討

琴日睇完紐卡素對曼聯後,我覺得蘇B在攻擊線上要作出適當嘅調整:

FB_IMG_1570385005442.jpg

攻擊線:1)唔應該再擺福仔做單箭頭。福仔本身係利用速度盤扭過人,擺佢去最前好多時就會變咗等波到。當佢做一啲佢唔係擅長嘅嘢時,就會感到迷惘,一感到迷惘就唔知自己想做咩。例如:不會主動搶點攻門。福仔有兩三球隊友傳中,其實落點都到位,但就被守衛好容易解圍,因為福仔無去力壓對方搶點。

FB_IMG_1570388484521.jpg

應該就係擺番佢打翼同或者打雙箭頭,因為可以有得以速度過人和擾亂守衛,亦都可以為自己製造射門機會。雙箭頭就令福仔唔再係前鋒線嘅唯一目標,而且兩個前鋒會製造出唔同變化。


2)唔應該擺馬達打攻中,因為佢同占士、佩利亞同福仔嘅默契真係好差,今場有幾球係面對面都交失。仲有佢交波嘅距離係好短,同埋佢最容易俾人搶到個波時候就係背對對方。

應該擺佢打副鋒,因為佢只要在禁區頂或在禁區內攞到個波佢就有無限創造力。例如:熨射、一cup一射、二傳、小組滲入等。佢在禁區內可以製造到射門機會同入波。

3)唔應該搵佩利亞打翼,因為以佢嘅技術同速度係仲未可以隨意扭過閘位守衛,下下要達洛特上嚟助攻,咁樣跟本就就製造唔到缺口。

3500-9.jpg

應該擺佢去踢攻中,因為佢唯一俾到對方威脅感就係在中路帶波扭過一兩個守衛然後遠射,咁樣就可以掩蓋佢在邊線扭唔到人嘅弱點。


4)整體攻擊陣式上唔應該同時出福仔、馬達、占士同佩利亞。如果要運作暢順就應該換走其中一人。因為佢哋四個有個共通點就係要攞住個波先至發揮到自己,同埋會增加自己嘅自我價值。換句話說,佢哋嘅無球走動係做得唔好,做唔到拉散後衞嘅效果。由於佢哋唔擅長做配合,當其中一人攞到波,佢就要做佢哋就邊個位,大家都知當比賽節奏咁急速而有壓力時一有猶豫就會容易犯錯交失波。

應該出多啲擅於無球走動型嘅球員打正選。例如:格連活特。琴日比賽見到佢出嚟之後,在禁區入做入滲有兩吓頭搥攻門,曼聯攻擊線正正需要依類型球員。除咗格連活特外,普巴係另一個選擇,唔知點解當普巴攞到個波,班球員會自動自覺走位配合,但其他球員攞住個波係無這個現象。

2693.jpg

我認為現在曼聯攻擊線上最根源嘅問題就係擺福仔打單箭頭,當最前嗰個唔可以擾亂對方中堅,製造唔到一啲混亂,缺口,中場線就較難組織一啲有威脅攻勢。隊友就開始迷惘同猶豫,咁樣就開始有失誤,當有失誤時,隊友開始有不滿,如果繼續累積負面情緒,點可以發揮到本身實力?相反,對方容易守到我哋,我哋俾佢哋威脅感就細。對方覺得我哋無威脅,成隊球員就充滿信心,中前場球員都會發揮得較出色。此消彼長,高下立見。

[K11出品] 曼聯K角度 - 各得一分

仙魔大戰,比起以往的感覺是褪色了,現在如同兩隊青年軍大決戰,而曼聯今仗雖然踢出主場氣勢,壓著客隊的阿仙奴但入肉攻勢不多,阿仙奴則也靠零星攻勢威脅曼聯,結果上半場尾段曼聯由麥湯米尼一次漂亮遠射先開紀錄。下半場曼聯自己的失誤為對手提供上佳機會結果被奧巴美揚追平,其後兩隊嘗試分出勝負但奈何隔靴搔癢的攻勢令雙方最終和局收場各得一分,從戰局來看也是一場合理的賽果。

2019-10-01-04-58-08.jpg

出場陣容方面,門將為迪基亞,後防由右至左為楊格,連迪洛夫,麥佳亞及杜安沙比,雙防中為麥湯米尼及普巴。進攻線右至左為佩利亞,連加特及占士,正前鋒為趕及披甲的拉舒福特。

FB_IMG_1569867721034.jpg

門將的迪基亞今仗上半場已為曼聯破解了一次危機,當時佩利亞解圍失敗被薩卡於禁區內射門,幸得迪基亞救出後再回身補出根度斯的補射。可惜下半場由於隊友的失誤被奧巴美揚破門而失去零封對手的機會。



後防方面,今仗被安排為左閘的杜安沙比開波初段有點不慣但身體質素令他很快適應了,不過明顯仍然不習慣此逆足閘位的踢法,而下半場的一次致命橫傳亦造成了失球,交了學費。



右閘方面由隊長楊格出任,表現只算是平實但助攻的傳中卻做得不好,基本上未能造成威脅的傳中,不過下半場開給麥湯米尼的角球卻有點驚喜可惜麥湯米尼僅僅頂高出界。


中堅方面,連迪洛夫及麥佳亞算是防守得不錯,基本上沒有給阿仙奴前線太多機會考驗迪基亞,只可惜所失一球前者被杜安沙比"陰"而麥佳亞則想幫波卻變成了包越位的慘況。

FB_IMG_1569935133888.jpg

防中方面,普巴傷癒復出但明顯狀態未算最佳,不過有他在陣嘅曼聯明顯傳送及進攻都較為立體。而42分鐘迫甩根度斯皮球再直傳更值得稱讚,另外63分鐘的燙射也只是僅僅柱邊出界,下半場費特入替後推前半格也未能助球隊獲勝。



另一防中麥湯米尼,今仗表現出色,除咗能做好保護後防線的工作,亦能做到讓普巴去專心進攻。而且今仗更多次助攻包括44分鐘接應傳中再射入漂亮的掛網波。可惜69分鐘的角球頂高,否則可以梅開二度甚至可以為球隊全取3分。不過今仗仍然獲選為MOTM。

FB_IMG_1569935130574.jpg

進攻線方面,右路的佩利亞今仗表現繼續平凡,除咗28分鐘於右路入切推過3名對手後射門。其餘時間作為右翼未算稱職,43分鐘的漏踢更差點被阿仙奴入球幸得迪基亞連環撲救,73分鐘由格連活特入替。今仗格連活特入替後主要在右路活動而最有機會卻於禁區內撻Q的射門。




進攻正中場的連加特,今仗數據上非常冷清,亦非常隱形,多只屬駁腳性質,直到麥湯米尼入球後慶祝才算近鏡發現到他的存在,73分鐘由費特入替。費特入替後屬於中場的位置,表現慢慢地進步而且也令球隊進攻節奏加快一點。




左翼的占士,算是今仗令阿仙奴最頭痛的球員,但多屬邊線突破後傳中而缺乏直接攻門的威脅。曼聯所入一球正是占士策動反擊於右路進攻後傳地波才出現。

FB_IMG_1569897119983.jpg

前鋒的拉舒福特,趕及傷癒復出但明顯表現一般,42分鐘接應普巴直線後入禁區有機會但猶疑太久而錯失了。2分鐘後未能接應占士的地波傳中但幸好於底線前修正後再傳中給麥湯米尼入球。90分鐘的罰球被利奴撲出也令拉舒福特今仗沒有收獲。

FB_IMG_1569935124349.jpg

戰術分析方面,經過多場賽事,按照蘇斯克查的戰術,要求兩翼快速突破或向前進攻並要更直接地去完成攻勢,而佩利亞著實不適合出任翼鋒位置,本身他不是快速的球員,而且看他於邊線接應隊友傳球後的動作,只希望護球而並沒有尋找機會突破(尋找並非勉強去做),並不是翼鋒球員慣常的動作,如果讓佩利亞出場,還是讓他出任10號位的進攻中場吧。




同一個問題,曼聯現時不是沒有傳中球,而是沒有搶點的前鋒,反而大部分球員更喜歡站於12碼點或禁區頂的位置,等待皮球到來才攻門,其實這樣便浪費了傳中球吧。福仔明顯不是搶點型,倒不如多給格連活特機會吧。

FB_IMG_1569896959727.jpg

楊格與杜安沙比的左右閘位置問題,看不出要杜安沙比出任左閘的原因,某程度上那次致命的傳球失誤也因為陌生的空間感所造成。雖然杜安沙比是值得為他交學費的。



鳴謝各位支持文字直播及即討區,下場聯賽見。

[多奇出品] - 曼聯對阿仙奴賽後檢討

今場比賽在雨中進行,因為草地濕滑,如果想單靠組織去搵射門機會係難啲,反而如果可以製造混亂然後得到埋門機會就更有效。角球對應都唔錯,對手唔直接開,目的為咗製造一些變數令己隊防守時容易出錯。而罰球已經俾人睇穿,尤其係上半場,只要搵一個人釘住麥佳亞,然後搵幾個企在預計落點中,就可以清走個波。

2019-10-01-04-58-08.jpg

攻擊線方面-占士表現唔錯,左邊出咗兩球好有威脅嘅波,可惜拉舒福特入涉唔到,右邊亦都有一球出波,加上佢回防幫杜安沙比,上半場可以話助攻助守。可惜嘅係佢未能製造機會俾自己,直到下半場先有射門。佩利亞同前嗰幾場一樣都十分賣力佢有一球帶波到禁區頂然後射門都十分有威脅,不過就冇咩機會爆落底線出波,要到下半場當對手放開嚟攻就開始有兩球在右邊出波。另外,佩利亞幫波嗰度做得麻麻,令楊格走唔到上嚟助攻,要靠福仔走右邊幫波。我個人覺得佢較適合打攻中多過打右翼。福仔對比上兩場比賽走位嗰度係靈活咗,多咗去右邊發動攻勢,但有個問題係佢走邊線,邊個補佢位呢?連加特定占士?另外,佢有兩球左邊出波都冇意識去衝門搶點,有一球係半單刀射門被對方擋到,好明顯用左腳邊走邊射就唔夠純熟,而且佢當單刀攻門俾守衛追時處理射門唔夠集中。連加特嘅工作係接應中後場傳送然後再傳波俾前鋒線,佢啲第一時間回傳還可以,對比馬達,始終佢同福仔、普巴個默契好啲。可惜佢好少轉身去扭波同埋交致命直線俾隊友,多數都係做啲橫傳,防守佢係幾落力落力,但我相信球迷要你在進攻上做多啲嘢囉,唔係吓吓要普巴做較炮手。

FB_IMG_1569935124349.jpg

我今次睇波時發覺有一點係,占士出嗰兩球波,連加特同佩利亞在等波唔係入涉攻門。前者仲要企在禁區頂,後者雖然入咗禁區但就企咗喺度。咁就算係個波斬得幾靚都好都冇用囉。開始有用高波斬入禁區。另外,到咗下半場,阿仙奴同己隊開始對攻時,己隊攻擊線開始發揮佢哋速度做小組涉入,同有多次射門,其中麥湯米尼嘅頭鎚攻門,麥佳亞同福仔嘅罰球都有威脅,咁即係話佢哋係可以打到進攻,不過唔係隊隊波都同我哋對攻,佢哋屯重兵後防,然後靠死球屈你機。班後生仔始終爭個領袖去帶佢哋去破密集。下半場出咗格連活特,好明顯佢嘅前線走位係比福仔靈活好多,蘇B真係要諗諗。




仲有我想講吓上半場麥湯米尼嘅入球,嗰球係一個令對方守衛覺得意料之外嘅組織。點解,首先占士在右路出波,之後福仔接應唔到,然後傳中,跟住普巴想攞個波但唔得,呃咗守衛,最後麥湯米尼在冇人阻礙之下射入。我諗球隊攻擊線可以諗吓點樣可以組織類似攻勢,令到最後一腳射門變得容易。

FB_IMG_1569896930194.jpg

中場線方面:普巴雖然做防中,但佢係有時遮吓個位,防守唔算專注。其他時間都係等待隊友傳波,然後一攞到個波就發動攻擊。佢嘅傳球可以穿過對方嘅防線,令到攻擊球員容易接應,再在前場做波。不過佢唔係咁識走到對方盲眼位幫波。麥湯米尼就今場射入咗一球,上半場佢嘅跑動幅度好大,個中場都係佢防守晒,高空波又肯爭頂。當我隊進攻時,佢亦都跑上助攻,下半場有一個頭鎚機會可惜頂高咗。佢今日可以話係攻守兼備。普巴無球走動幫波係少啲,但佢嘅無球走動至係最有威脅。費特交波都唔錯,跑動亦靈活,可惜出場時間太短,我都希望見佢踢吓正選。

3000-6.jpg

後防線方面:今場楊格上半場發揮麻麻,可能係佢少打右閘,無論傳波定配合走位都容易俾對方攔截到,加上普巴傾向在左邊發動攻勢,右邊少人幫。上半場都食咗張黃牌。所以好少做疊瓦式助攻。麥佳亞都係一貫水準,防守同釘人都做得穩健,高空波都頂晒。對手出波亦都作出多次攔截。連迪洛夫今場嘅狀態幾差,防守釘人唔夠專注,對方有兩球傳中波都釘漏對手,只係對手把握唔到機會,如果唔係曼聯有機會失多兩球。仲有上半場尾段俾人打反擊,對方前鋒好容易起腳射門,仲有佢在同人搶身位唔夠人爭。不過佢單對單釘人比之前兩場硬淨咗。最後係杜安沙比,失波係佢同連迪洛夫傳送唔到位。不過除咗個失球外,其他時間都防守得稱職無論助攻或助守都有水準。佢好肯帶球助攻,我認為佢係曼聯重建嘅一隻好重要嘅棋子,希望蘇B俾多啲正選佢打正選。

FB_IMG_1569896942743.jpg

龍門方面:迪基亞表現稱職,球隊所失嘅一球都同佢無關,上半場對手把握一次反擊,連續兩吓射門就係被迪基亞擋到。




最後,我個人認為尤其係下半場,班後生仔係可以做到一啲小組(雖然唔係好成功,但都有試),行軍速度亦都比之前快咗,而且佢哋都製造到一啲入球嘅射門。只要馬仔能傷癒復出,加上善用後備前鋒格連活特同埋在轉會窗補強就可以帶番起攻擊線。不過,普巴係一個變數,究竟要加薪留佢定賣咗佢,依個就要睇蘇B嘅選擇。

[多奇出品] - 要突破自己的福與馬

承接上一篇福馬嘅文章,我個人覺得福仔同馬仔係想不斷地進步,但點解佢哋反而會停滯不前呢?好簡單佢哋想繼續向前走時,對方球員亦會不斷地進步,而且足球係隊際運動,除咗要自己有本事之外,仲有睇吓自己同隊友嘅配合。而且踢足球係相對的,並唔係單向。相對係指睇球賽嘅同時睇自己加埋對方,當自己有優勢對手相對就處於劣勢,而你想做到嘅動作成功率會較高,對方就低。

FB_IMG_1565570652986.jpg

講翻福仔同馬仔,佢哋係好專注令自己嘅速度同射門把握力加強。但咁做有個大問題,因為佢得一兩樣技能係專長,所以好容易被後衛睇通同捉到路。例如:福仔同馬仔需要有空間俾佢以速度爆入禁區,對方咪派重兵在後防,唔俾你哋有空間爆入禁區。



另外,福仔係明爆你嗰類,當攞到波想引球推進,對方咪用強壯嘅身型食佢位;有陣時萬一後防失咗位,咁咪有技巧地犯佢規囉,通常3次犯規先至有黃牌,一個攞完下次夾定邊個守衛犯規。而馬仔嘅快速引球推進係冇腳影捉,所以對方就派兩個守衛同時對付佢,務求減低佢扭過對方嘅意欲。這些對策都係賽前已經有步部署,仲要係練到好熟先至對福仔同馬仔。

FB_IMG_1566348154961.jpg

講到依度,我想帶出一樣嘢就係無論一位球員幾咁好波都好,只要佢俾人睇穿佢嘅踢法,就會已經失去咗威力。就好似拳擊運動,最具破壞力嘅拳頭並唔係力量最大嘅拳,而係在對方無防備意識下所中嘅拳頭。




咁即係點樣,係咪佢哋唔需要練習,唔需要去變得咁強?當然唔係唔需要練習,但要改個練習嘅方向;唔係令自己變得更強,而係令對方變弱。我舉一個例子:就係太陽伯伯同風伯伯比賽,睇吓邊個可以令穿著大褸嘅途人除褸。風伯伯雖然好用力吹,但途人見風勢愈大,佢就愈捉緊件褸。反而太陽伯伯只係加強熱力就令途人自動除褸。現在尤其係福仔,就好似風伯伯咁。

令守衛變弱嘅方法就係分散佢哋嘅注意力。點樣令到福仔同馬仔有依啲能力呢?我參考咗2006-20072007-2008球季嘅攻擊手:C朗、朗尼、沙夏、泰維斯作比較。

sketch-1504800287578.png

要有全面嘅技術:

一、當年嘅攻擊手除咗速度快同臨門一腳把握力強外,佢哋嘅頭搥都係十分耍家。要頭搥好首先要入涉時間快同準,從而為自己制造空位。然後就係跳頂時間恰當。最後係決定用頭嘅邊個部位去頂。例如:前額、側額或者後腦。(小豆試過用後腦入波)

二、當年攻擊手嘅傳送技巧亦都好純熟。純熟嘅傳送技巧就係當一個人傳波俾你時,就算你係跑動緊,個波係追住你,令你好舒服地控落嚟,而唔係個波愈走愈遠。要有純熟嘅傳送技巧,首先力度控制好重要,其次係決定用腳嘅咩位置。最後係有為隊友製造機會嘅心,即係無私嘅心。對一個射手嚟講,要有無私嘅心唔係咁易做到。因為既然自己有能力去入球,點解要去製造機會俾其他人呢?

三、係無球走動引開守衛,分散對手注意力。當年嘅攻擊手由於又可以射門又可以走位分散人注意,所以對方守衛根本唔知邊個係射門,邊個係誘餌,令人防不勝防。例如:C朗有時打左邊,有時就在右邊出現。沙夏除咗在禁區入波亦都可以在左邊出波。每次有人攞波,同時就有兩三個人在唔同位置出現。當然要福仔同馬仔去轉型唔係咁易,因為佢哋都係控球技術佳,有單對單過人能力嘅球員。

2018-02-05-16-18-21.jpg

四、福仔同馬仔嘅對抗性太弱。對比當時嘅C朗、朗尼、沙夏同泰維斯除咗有速度之外,個個都撞得。從性格上嚟睇,福仔同馬仔實在太斯文,平時好少話會故意犯規,更何況同其他球員有碰撞。踢其他國家嘅聯賽還可以,但踢英超啲咁體力化嘅比賽就好洩底。要技術同對抗性兼備其實係好難,因為兩者對身體條件嘅要求係唔同。例如:如果要對抗性強,身體肌肉要強壯兼懂得用力。如果要技術好身體要靈活同埋懂得掌握出腳嘅時間。

五、修正。當自己在形勢嚴峻嘅時候,無論有無控波都好,可以立刻作出修正,令形勢逆轉,依個俗語係啲人識唔識「執生」。踢波冇話有絕對啱同錯,只要係識得掌握優勢同扭轉劣勢,咁就有條件做頂級球員。但我睇到嘅係,福仔同馬仔在處於劣勢時,心理上調整做得唔好。馬仔缺乏鬥心,沒有打不死嘅精神。福仔就心急,攞到波不斷推前。同埋一樣嘢要補充,能力高嘅人未必識得「執生」,相反懂「執生」嘅人能力未必高。當然作為領隊希望自己嘅球員兩者兼備,但好多時都要有所取捨。咁你哋會選擇前者定後者呢?

以上一啲技術,唔係話不斷練習就可以調整到,而係要有老大哥分享經驗同做榜樣。好似C朗當年都係不斷進步但去到某個點時都停停地,之後先有個突破 ( 佢狂操自己身型同變到用速度同身型黎硬爆,唔再係純玩花巧嘅插花,下一個突破點係練埋門前把握嘅攻門 ),嗰種由經歷低潮再爬番起身係最難克服,當然現在好難叫C朗過嚟親身教導啦。另一個方法亦都好難做到就係將佢哋兩個借俾其他球會,等佢哋可以體驗到唔同球隊,唔同球員嘅踢法,從而對佢哋有所啟發。例如:一隻困在一個盒嘅跳虱同在一隻動物上嘅跳虱比賽跳高,邊個跳得高啲呢?答案係後者。因為前者被個盒限制咗自己,後者就可以在外面盡情地跳。同樣地福仔同馬仔已經被自己固有踢法限制咗,佢哋反而係要有一啲新體驗去被衝擊。好似普巴去過祖雲達斯學到新技術。最後就打雙前鋒,兩個球員一個打前鋒一個副鋒,起碼攻擊線唔洗咁單調,同埋打單箭頭個壓力大啲,轉咗雙前鋒後壓力就冇咁大。

FB_IMG_1566222028506.jpg

總結,都係一句,當你嗰招係俾人睇穿時,就算你係幾強都無用,因為對方已經諗到對策點樣對付你。


[K11出品] 曼聯K角度 - 不堪一擊

歐霸盃由格連活特一箭定江山後,蘇斯克查說道今季放走盧卡古及山齊士是正確的決定。誰不知幾日後的聯賽,馬斯亞繼續因病缺陣,格連活特則因病缺陣,餘下最近狀態一般的拉舒福特。結果球隊於進攻乏力下,被主場的韋斯咸由耶莫蘭高及基士維各入一球,以2:0擊敗曼聯。更甚的是拉舒福特因傷退下火線後,慘不忍睹地要用連加特及占士輪流接替前鋒一位,全場賽事曼聯的反擊力疲弱,組織力不足,把握力差勁下,足以用不堪一擊來形容。

FB_IMG_1569166622653.jpg

正選陣容方面,門將為迪基亞,後防右至左為雲拜沙卡,連迪洛夫,麥佳亞及楊格,防中為馬迪及麥湯米尼,進攻中場右至左為佩利亞,馬達及占士,單箭頭為拉舒福特。

FB_IMG_1569153895108.jpg

門將迪基亞今仗所失2球也是非戰之罪。上半場2隊多屬中場混戰而到了43分鐘,耶莫蘭高一控一射的動作比迪基亞落地的動作更快而且皮球向著網仔而入。下半場其實迪基亞已經救出了安達臣的近射延遲了球隊的死期,可惜球隊7分鐘於相若的危險位置連續輸掉2個罰球,結果基士維頭一次射高而第二次於83分鐘則射入死角,即使迪基亞用手撲到也難阻入網。

後防方面,雲拜沙卡今仗於防守方面維持攔截力,亦多次參與進攻但傳中質素欠佳,多數被封而未能造成威脅。而需要付上責任的一球則在82分鐘向自己三閘線中路的誤傳導致了楊格的犯規,最終亦被罰球射入而令球賽終結。不過這是年青人經驗累積的學費,為雲拜沙卡的話還是值得的。左閘的楊格,今仗於左路表現算是中規中矩,雖有助攻但同樣質素欠奉,還是等待梳爾回歸令左路恢復活力吧。

中堅方面,先說麥佳亞,所失第一球或者來不及反應,而其餘時間的防守算不俗。可惜助攻接應麥湯米尼的近門射波卻被門將法比安斯基救出成球場落敗的其中一個關鍵點。另一中堅連迪洛夫,今仗防守上似是沒有問題但在於我K11眼中,所失第一球其實對於橫向的他來說,若果洞悉力及鬥志強一點,應該在耶莫蘭高一控想射門之際便要橫身瞓下,結果無人能知是否可擋住對手射門但這是鬥志與決心的表現,想想維迪的話便可預想了吧,即使是前曼聯球員靴里拉或年青中場麥湯米尼,也極有可能作出此種瞓身的表現。

FB_IMG_1569168263634.jpg

防中方面,麥湯米尼今仗繼續擔正,但相比上仗對李斯特城,明顯今仗便將麥湯米尼要負責進攻一環的能力不足顯示出來,多次可引球推進或是轉向也做得不好。雖然曾經殺入禁區近射或是用身體做二傳給麥佳亞攻門。防守上則沒有問題,或者還是作為普巴或費特的護航員較由他來做策劃者更適合。

2903.jpg

馬迪方面,明顯地只負責做護航員的保護工作,算是合格但一旦需要他來引球上前,到了對方禁區頂便不知所措地最終失去球權,即使開賽初段來了一記不俗的遠射,71分鐘由費特入替。由於入替時曼聯已落後一球,因此對手的防線也縮後了一點,故令費特有更多時間與空間去發揮他的能力,免得被壓迫下便失去控制的弱點。結果出場廿多分鐘所創造的機會便已比其餘曼聯球員更多。

進攻中場方面,右路的佩利亞表現還是沒有亮點,當然下半場的地波傳中無論力度及位置也很好,只可惜馬達未能把握而已,但其餘時間也是平實不過的中場。左路的占士,由於剛剛傷癒,本已預料今仗表現會有所影響,結果無論威脅力,突破力及時機也做得不好,最有機會為換位到前鋒位置後於完場前一次接應直線後射網側出界。

FB_IMG_1569160704186.jpg

進攻中場的馬達,當真歲月不留人,雖然有他在陣時,球隊的行軍的確較為流暢,而且也較為立體,他所交出的直線也會較其他球員更有威脅。可惜今仗多次做串連時的傳送也被封阻,變成反令球隊行軍速度受阻。其實心思及路線也是正路但無奈差一點便是傳不到。而且接應佩利亞的傳中球也未能好好把握,間接令球隊失去追平機會,81分鐘由高美斯入替。高美斯入替後轉往左路但表現不突出,也未有任何建樹。

前鋒方面,拉舒福特繼續出任單箭頭而表現繼續沉寂,無論走位,與隊友配合等等都做得不好,上半場曾有一次半單刀機會卻來漫步人生下,被對手回防解圍成功,到了下半場也是有跑動但卻是無謂的跑動,結果更因而拉傷,61分鐘由連加特入替。連加特入替後先任前鋒,及後再退到進攻中場,但表現均未突出,曾經有機會射半空門卻被回防的耶莫蘭高封出。

1_West-Ham-United-v-Manchester-United-Premier-League.jpg


戰術分析方面,既然蘇斯克查期望球隊的戰術為快速而直接,但卻依舊是馬達與佩利亞同場令球隊行軍速度變得不夠直接及快速,變相自己破解了自己的戰術。其實二人選其一於進攻中場便可以,為的便是於中場做串連或傳出關鍵傳球,而佩利亞更有遠射腳頭,馬達則強於入攝禁區內,那便按不同戰術模式出場吧。

2736.jpg


拉舒福特的沉態,細心留意一下,其實自普巴表現不好或缺陣時,連帶拉舒福特的表現也會隨著下滑,因為踢法上便是由中後場直傳予前場走空位的拉舒福特去接應,球隊內能交出此類有質素的傳送,便是普巴及馬達,而前者的缺陣便直接影響了拉舒福特的表現,後者於近仗則表現出有心無力之感。那麼到底應該繼續此戰術還是讓拉舒福特現位停波呢?如果此非福仔強項是否需要轉人(不計算今仗無鋒可用)或改變踢法呢?可是卻看似沒有plan B的部署。

FB_IMG_1569170636433.jpg

其實這些問題已經不是新鮮事,可惜卻看不到有對症下藥去解決。蘇斯克查是否在等待球迷呼喊他親自復出救此隊不堪一擊的曼聯呢?鳴謝各位支持文字直播及即討區,下場再見。

3500-6.jpg

[多奇出品] - 韋斯咸對曼聯賽後檢討

今場曼聯作客輸0:2,現在就分析一下曼聯嘅表現。

FB_IMG_1569166622653.jpg


攻擊線:福仔今場表現不濟,佢好少掂波,主要原因係福仔經常都要一對二。另外,當有人在邊路出波佢都做唔到第一點攻門。係有一次有機會爆入禁區,可惜帶近龍門時可能睇到有對方守衞追緊佢,分咗心就帶甩咗個波被人解圍。占士嘅表現尤其係上半場都想做啲突破但就真係被人睇通咗,成日被兩個人一齊睇住。直到下半場打正前鋒後開始有以速度爆落禁區射門嘅機會。佩利亞開波初段踢得好賣力,亦都好努力去搶逼,但單對單好少過到對方守衞,係上、下半場各有一球右邊出波,其他都係做啲橫傳。馬達就打得麻麻地除咗有球近射柱邊嘅機會,其他就控波都好易被對方逼甩,傳波又俾對方攔截同埋係回傳多過俾直線。連加特啱啱後備入替時打前鋒,之後轉打左翼,除咗有球直線,其餘時間表現都乏善足陳。另外,今場做前場壓逼都係形同虛設,對方幾吓短傳就破解咗佢。

1_West-Ham-United-v-Manchester-United-Premier-League.jpg




我睇咗今場波發現正選攻擊線除咗馬達外,其他隊員(福仔、占士同佩利亞)都唔識以地波去組織小組攻勢,占士同佩利亞都只係爆落底出波,前者都話速度快,但後者就速度同技術都未足夠可以單對單過對方守衛,其實咁樣守衛好容易適應兩邊攻勢,作出調整。福仔就好少背對守衛而做一啲二傳,只係一味向前跑,咁對方淨係用兩個中堅一齊守佢就已經搞掂。馬達佢攻擊同組織思路係靈活,但佢身體條件對住啲又快又強壯嘅守衛係輸晒,仲有佢唔擅長背對敵方,加上馬達同其他攻擊球員嘅默契係未完全建立到,所以今場作用唔大。我覺得馬達應該多入禁區,因為佢嘅強項係處理罰球同埋在禁區入面無論係射門、做二傳同都帶俾對方係好大威脅,就好似下半場嗰腳走位射門。

FB_IMG_1569160704186.jpg

中場線:在進攻方面麥湯米尼同馬迪勤於做駁腳,橫傳分波都叫做得稱職。馬迪仲有一腳遠射中門,麥湯米尼於下半場角球攻勢回傳俾麥佳亞近射,可惜射地波被龍門沒收。不過兩者都缺乏一啲隱蔽式貼地長短傳球,咁間接令到馬達同其他攻擊球員一迎接佢哋嘅傳球就即刻有對方球員逼埋去做搶截,組織攻勢就相對困難。費特之後換入嚟,佢就攻強守弱,跑動力比馬迪強好多,傳波嘅侵略性亦大,仲間接令到連加特傳個靚直線俾占士。

FB_IMG_1569160701553.jpg

在防守方面,無論企位,默契、回防速度都做得唔錯。可惜到38分鐘後,對方攻擊球員開始適應佢哋兩個嘅企位防守,開始多咗在中路組織攻勢同埋做一啲入涉走位,當防守第一道屏障被人破咗,後防未完全建立默契依個問題就浮現出嚟。下半場換咗費特之後,個防守穩定性都係冇改善,論防守始終馬迪經驗豐富啲。

2903.jpg

後衛方面:右邊雲拜沙卡單對單嘅攔截做得非常準確,佢直情係一個犯規都冇。助攻亦都見到佢越嚟越夠膽上前出波。左邊楊格上半場前段都可以沉着應戰,有兩吓鏟波都幾清脆,不過後段開始失去冷靜,因為中場防守屏障俾對方攻破,所以對手針對佢防守力相對較弱,就攻佢嗰邊,就好似失第二球都係因為佢魯莽出腳而犯規輸罰球。中堅就連迪洛夫同麥佳亞當防中屏障失去效用之後,就露出默契未完全建立嘅弱點,第一球之失就係當對方球員制造到起腳機會,兩者就我以為你,你以為我上次做攔截,結果兩個都企咗喺度,俾人起腳射入。

3018.jpg



龍門方面:迪基亞雖然失兩球,但係唔可以完全怪晒佢,第一球在禁區內射門其實射中有角度都應該會入網。第二球更加唔可以怪佢,因為俾對方有射兩次罰球機會,如果第二次都唔中龍門就真係好難踢到英超。

FB_IMG_1569170737800.jpg



總結:我係對賽果感到失望,對前鋒線入唔到波亦都感到不是味兒。我亦都唔明白蘇B點樣對馬達嘅定位,因為我覺得馬達應該可以更常入禁區制造威脅。但我知道對方教練係柏歷堅尼,係一個帶過曼城攞過英超聯賽冠軍嘅教練,對住咁強嘅對手,蘇B真係要好好偷師。我真係希望蘇B可以吸收更多臨場經驗,重整番條攻擊線,同埋希望普巴,馬仔等傷兵可以早日康復。

FB_IMG_1566273998223.jpg

[多奇出品] - 福馬誰來定錯對

2019-2020年球季,曼聯正選而又有經驗前鋒現在只餘下兩位 - 拉舒福特與馬斯亞,佢哋兩個曾經交出過亮麗嘅表現,但現在狀態俾人感覺發揮唔出以前嘅水準。今季打咗5場波,馬仔嘅表現還算唔錯,但福仔表現未能說服到球迷點解要俾你打正箭頭。現在就等我分析佢哋兩個嘅打法。

FB_IMG_1566264156969.jpg



首先,福仔同馬仔前鋒嘅速度都係快,以地波推進為自己制造有利位置而射門得分。不過佢哋以速度引球嘅方式其實係有好大嘅分別:福仔係擺明同守衛鬥速度,佢响準備帶波一刻個身體語言已經話俾對方知我要跑得快過你,直到跑咗一段路後,守衛係因為跑得唔夠快所以就追唔到佢。而馬仔嘅快係當佢起步引球時,守衛係完全察覺唔到,到佢差唔多就快過對方時,守衛先至察覺到,啲人俗稱「無影腳」。

FB_IMG_1565570656986.jpg

同樣地,佢哋雖然都係攻勢嘅終結者,但其實骨子裏都係有分別。福仔主要係靠優良身體條件,起腳射啲速度同力量兼備嘅波,當佢起腳時龍門係會察覺到。這個擺到明係學C朗啦!而馬仔係靠佢優質嘅天賦,起腳時龍門未必即時可以察覺,都知道時個波已經飛緊向龍門。這個好似一個冷面殺手,在你面前插你一刀你都察覺到。

3131.jpg

然後,硏究吓佢哋心理方面,究竟點樣影響佢哋技術嘅發展。由於佢哋好後生時已經為曼聯一隊上陣兼做主力,佢哋在觀眾、球迷、教練同隊友嘅壓力低下表現係唔可以經常有偏差,所以佢哋大多數只會做一啲自己最擅長嘅動作。例如:以速度制造空位射門。其他自己唔擅長嘅動作就好少做。例如:頭搥攻門。大家都知,如果將自己學過嘅嘢唔用一段時間就會退化。所以佢哋嘅進攻套路都係較單調。例如:佢哋在無球走動,做二傳、頭搥攻門、窩利抽射、執雞同引開守衛都唔係經常做,長此下去佢哋這些技能都會退化。(講笑咁講,我所舉嘅咁多例子,每樣都可以寫一篇文。)

FB_IMG_1567260031709.jpg

咁我抽兩樣對攻擊球員最重要嗰兩樣講:就係引開守衛同做二傳。引開守衛係指當球員無球在腳時,做引開敵人注意嘅走動,使到己隊球員更容易組織攻勢同射門。而二傳就係當己隊球員迎接來球可以即時或第二時間傳球,藉此制造機會俾隊友直接攻門。由於福仔同馬仔習慣引球進攻,所以佢哋走嘅位多數係令佢哋進成單刀狀態,直接攻門。要佢哋引開守衛制造空位俾隊友唔係完全無,但少囉。而二傳就更少,因為佢哋攞到個波就已經諗點射門,射唔到波扭唔到人先俾番自己友咁就唔係二傳啦。

FB_IMG_1566264152765.jpg

另外,佢哋防守力極差都係一個大問題。唔係!在前鋒身上唔應該用防守力形容,係應該用「壓場感」,「壓場感」即係指當敵方守衛控球時,前線攻擊球員壓前,令對方在有壓力底下出現失誤。現在英超球隊嘅防守都做得好好,正面攻佢哋其實唔易攻入,所以要靠前場壓迫令佢哋出現失誤先至可以增加入球率,曼城同利記都係用這招。

FB_IMG_1566658638000.jpg

講開又講,容許我用少少篇幅談論盧卡古,原因係我上一段所講嘅技術,佢係做得唔錯。尤其係曼聯2017-2018年攞亞軍嗰季,點樣做得唔錯我唔多講,我要指出一點就點解盧卡古技術可以咁全面(雖然控球經常控甩腳)?因為佢曾經在中游球隊磨練技術,在一個可以容許佢有失誤嘅環境下成長,使到佢在技術同心理上作出調整。除咗佢,曼聯有啲出名球員都係之前在中游隊浸淫。例如:貝碧托夫(2006-2008熱刺)同卡域克(2004-2006熱刺)等。

FB_IMG_1555874505690.jpg

其實要講福仔同馬仔,仲有好多嘢可以講,不過我希望自己唔係為寫而寫。最後,我覺得有一個人係可以在技術同心態上引導佢哋,嗰個人就係「朗尼」。如果我係蘇B,我在冬季轉會窗第一個就買翻朗尼,因為朗尼嘅成長過程同福仔、,馬仔相似。以朗尼嘅經驗同能力,應該可以幫到佢哋。

sketch-1538102031199.png

[K11出品] 曼聯K角度 - 3分背後

國際賽後曼聯主場迎戰李斯特城,開賽前有多位正選球員因傷避戰包括普巴,梳爾,連加特及馬斯亞等等,還在擔心會否失分下,曼聯開賽以一球12碼開紀錄。其後客隊不斷反客為主,而曼聯多屬中場運作而欠缺攻門,直到下半場表現才有改善不過仍然受壓下,尾段慢慢控制戰局而險勝1:0全取3分,不過3分背後卻是有多個問題存在。

FB_IMG_1568480031612.jpg

正選陣容方面,門將為迪基亞,後防右至左為雲拜沙卡,連迪洛夫,麥佳亞及隊長楊格。防守中場為馬迪及麥湯米尼,進攻線為佩利亞,馬達及占士,加上單箭頭的拉舒福特。

FB_IMG_1568466251210.jpg

迪基亞方面,今仗2次撲救表現出其神勇表現,先於禁區內救出麥迪臣擺脫連迪洛夫後的近射,29分鐘再救出捷維爾禁區頂的窩利射門。其餘時間多屬門前混戰而未需要迪基亞作出撲救,又或是混戰後的射門於柱邊出界而根本未能作出反應,無論如何,曼聯今季第二場零封對手出現了。

FB_IMG_1568563091938.jpg

右閘方面,雲拜沙卡趕及傷癒復出,扼守右路而且亦有不斷助攻,基本上表現對板而且防守上仍然令對手難越半步城池。左閘方面,楊格繼續代替受傷的梳爾而表現是甚為不俗,於左路不斷助攻而防守上也有不俗表現,不過明顯看到突然又已一年的楊格於速率上有下降了,被人包圍時仍是會擔心他被迫甩的景象出現,不過善用老將卻能帶給球隊經驗吧。


中堅方面,連迪洛夫3分鐘便嚇一嚇大家,被麥迪臣入攝禁區並找到射門的空間,幸有迪基亞保住了。不過其餘與華迪的比拚並不於下風,亦有多次包抄或封阻做得不錯,始終速度為他較擅長一環,而也看得到經過國際賽後,他的信心也得以回復。倒戈的麥佳亞今仗繼續維持高水平,防守上基本無地方可以挑剔而曾接應楊格的角球更有機會直頂入網可惜被舒米高救出了,繼續做曼聯的後防重心吧,蜜瓜。

FB_IMG_1568559516869.jpg

防守中場方面,馬迪於普巴缺陣下成功取得正選,今仗表現算是合格而有些情況仍然較慢,差點被迫甩亦有傳失大意波的情況,而其實最擔心是他跟不上比賽節奏,幸好也得平安過度,66分鐘由費特入替。費特今季首次為曼聯上陣,速率上不成問題但只係害怕他有時大意地失去控球權而被突擊的情況再次出現,今仗算是做得不錯不過仍然未能令人安心。

GettyImages-1174632199-min.jpg

另一防守中場的麥湯米尼,今仗算是擔起了曼聯整個中場線,雖然曾有不小心的傳失但其餘時間像是無處不在,而且搏勁心強,雖然仍有不少進步空間但看到無論身材,力量,態度等等也是值得期待。55波爭奪更是勇猛,而最值得欣賞的是完場前他在右路邊線,他選擇了去角球旗保住今仗大部分時間受壓下的勝局,更引來對手球員與其爭執而令時間去得更快,這成熟表現值得一讚!賽後獲選為MOTM。

FB_IMG_1568480169179.jpg

進攻線上,右路的佩利亞今仗表現還有待改善,除了開波初段的罰球有威脅外,其餘時間包括控球及護球也未算稱職。還記得下半場其中一次得到了隊友傳中的機會,於禁區頂一控便可順勢射門,但竟然控甩了。


占士今仗順勢移到左路發展而表現的確不俗,即使沒有入球但威脅力算是全隊最高,包括了上半場的切入中路再抽射及多次嘗試突破的勇氣,90分鐘由杜安沙比入替。杜安沙比入場只有幾分鐘的時間,未能看到甚麼但這是他今季首次為曼聯於英超的賽事。

FB_IMG_1568484437456.jpg

進攻中場馬達方面,雖然速率上的確有著歲月不饒人之感但馬達在陣時的確令球隊的運作與組織做得更好,簡單的one two已將皮球穿越一重的能力,70分鐘由鍾泰希入替。鍾泰希入替後活躍於左路,而他雖然帶點緊張但慢慢地便開始踢出自己勇於突破的風格,為左路帶來一定威脅。

FB_IMG_1568484372976.jpg

正前鋒拉舒福特,今仗開波初段便由他於禁區內搏得蘇恩祖的犯規並為球隊操刀射入12碼,看到其12碼的處理能力的確較普巴更好。不過其後的表現便不合格了,作為正前鋒,便是迎波再保護皮球,之後再傳送給後上隊友再進攻,這一點沒有做妥。另一個單箭頭加上球隊以兩翼傳中踢法的任務便是門前搶點,暫看不到,雖然曾經有一球罰球直射中楣角,但未算令人滿意其位置應有的表現。

FB_IMG_1568586769370.jpg

戰術分析方面,為何題目用到了3分背後? 球隊問題真的不少。首先是普巴的作用,普巴在陣時,的確有時因控球太久而令球隊進攻節奏被破壞,更甚的是被迫甩後讓對手有突擊機會,不過普巴亦能為中前場帶來目前曼聯球員交不出的關鍵傳送,明顯地拉舒福特與占士 ( 及因傷缺陣了的馬斯亞 )會因為有普巴的傳送而踢得更為活躍。今仗沒有了普巴,防守上是穩定了但卻看不到有何靈光一閃的傳送,只有如麥湯米尼或馬迪這些正路的傳送出現。馬達雖然有創造力交出致命傳送但與普巴足以令球隊一轉眼由守轉攻的中距離傳送卻是不能相比較。

FB_IMG_1568484442162.jpg

馬迪的虛設,當然馬迪位置感與經驗不俗,但速度不足及一旦退入自己防守禁區便會瞬間失掉位置感卻令人憂心。今場感覺有著麥湯米尼在掃蕩才能掩蓋馬迪的速率不足。費特入替後亦暫時令人有點擔憂,變相普巴復出後仍然要在此位置上爭扎著。


馬達與佩利亞同場的問題,其實上仗已經出現而令球隊的進攻速度突然拉慢,更重要是馬達的身位與速度被比下去,佩利亞卻未如想像般護球力強下,不時被打斷進攻或是防反時不夠直接了當。仍然認為二人只能其中一位於進攻中場出現而右翼可由速度行先的球員去負責做突破。

FB_IMG_1568563111157.jpg

拉舒福特正前鋒的能力,對於福仔的技術與能力有著認同但卻不是正中鋒的材料,停球,門前搶點與禁區內的把握力問題仍然是關鍵,這些亦是一隊強隊前鋒需要的能力。看看雲佩斯或雲尼斯杜萊的這些能力便看到明顯分別,加上埋門的決心。或者如蘇斯克查所言,拉舒福特或馬斯亞都不算射手型,格連活特才是,可惜卻缺少上陣了機會。我K11常言道,既然福仔愛玩波,綠木似射手,何不於馬斯亞受傷缺陣下,試試放出福仔與占士作為左右兩翼配上正前鋒綠木的排陣呢?

2647.jpg

鳴謝各位支持文字直播及即討區,下場見。

[多奇出品] - 曼聯對李斯特城賽後檢討

曼聯贏咗1:0,終於拿下聯賽第二場勝仗,唔知你哋滿唔滿意佢哋嘅表現呢?

FB_IMG_1568480031612.jpg

佢哋有做得好嘅地方,亦都有嘢需要調整,咁現在講吓我對佢哋嘅評價啦。

在攻擊線方面:福仔、占士、佩利亞同馬達在技術方面欠缺一種全面性。例如:佢哋好少用頭鎚攻門,除咗有一球係楊格開角球交俾麥佳亞頭搥攻門。仲有佢哋傳波嘅默契係幾差,尤其馬達攞到波後都要諗一諗,帶一帶個波至傳,有時仲會面對面傳失球,好似有球波馬達傳俾占士,但占士走快咗最尾交失咗。福仔都係老毛病,佢要攞住個波有一啲空位被佢爆先發揮到威力,但當要佢同對方守衛爭位,爭頂攞波佢就會縮。最重要佢唔係爭輸咗,而係佢做都唔做,所以到二十幾分鐘後福仔都好少接觸到皮球。占士係較突出嘅一個,在上半場都有幾次以速度進過守衛,擾亂對方後防,但可惜佢依種擺明以速到過人好快被對方睇穿,同好快適應咗,所以到之後占士就少咗機會用高速引球推進過人。佩利亞在右邊就可以話踢得麻麻,在右路冇咩出波,想做一啲小組滲入但唔成功,原因係佢一來未有板斧扭過班後防,二來佢同雲拜沙卡默契仲未建立。另外,除咗占士同福仔嘅十二碼外,其他球員仲未搵到入球嘅方程式,換句話講,就係佢地嘅得分點實在太少,試問如果在比賽過程中,球隊係冇咩得分板斧,咁點俾到一種威脅感俾佢哋,加上正選4個攻擊球員啲搶逼未有俾到壓力(除咗鍾泰希佢係逼得幾投入之外),所以之後李斯特城班守衛踢得比較輕鬆。

FB_IMG_1568563098762.jpg

講完佢哋做得不足嘅地方,就講吓佢哋有咩做得好嘅嘢。

福仔處理十二碼有備而來,睇見佢射十二碼首先用橫移步之後加上普巴式碎步然後射右下角,動作做得流暢,無拖泥帶水嘅感覺。另外,兩球罰球都射中角位,係佩利亞射得爭少少隱蔽性。我相信佢哋班球員係預計到有射罰球嘅機會,所以睇得出佢哋有練過。

mmexport1568560303135.jpg

中場線方面:麥湯米尼同馬迪個默契都唔錯,佢哋知道幾時要一齊上去參與助攻,幾時要兩個一齊回防。有時候麥湯米尼上去馬迪就回氣,有時就對調。佢哋嘅表情話俾你知佢會點做,唔使成日指手劃腳咁。仲有佢哋做防守嘅時候係非常專注,而且回防速度係好快,頭鎚亦做得好,尤其係麥湯米尼在禁區多次用頭鎚解圍,攔截亦都做得硬淨同準確,仲有佢哋兩個好識得利用犯規去延遲對方進攻,賽後兩個防中竟然連一張黃牌都冇。費特亦都做得稱職,佢嘅跑動亦都幫咗後防好大忙。佢哋三個為後防做一道好穩固嘅屏障。

FB_IMG_1568484442162.jpg

如果去講佢哋不足之處就係麥湯米尼都有在中後場失波,但佢同普巴唔同嘅係佢會即刻跑番去搶番個波,而馬迪亦都以佢嘅經驗去減少中場失波為已隊帶嚟嘅壓力。仲有佢哋防中缺少咗好似卡域克嘅隱蔽式地波傳送,例如:當卡域克到起腳至傳波俾隊友時對方係未察覺到個皮球,到察覺到時隊友已經攞到個波組織攻勢,如果防中球員可以調較佢哋嘅傳球技術就更好。

防守方面:後衛今場做得唔錯,當然其中一個原因係防中所做嘅第一道屏障做得非常穩固。另外,守角球就用聯防,搵咗麥佳亞、麥湯米尼等頭搥好嘅球員,盡量隱藏已隊係致命傷。而中堅處臻土回傳球做得好穩妥,麥佳亞嘅高空波幾乎係殺晒,連迪洛夫亦睇穿咗對方好多嘅攻擊,然後作出攔截,不過佢嘅對抗性亦都有待改進,開賽頭5分鐘爭啲輸波,始終佢嘅踢法太過斯文。左右閘亦都做得好稱職,雲拜沙卡同楊格助攻助守都做得唔錯。雲拜沙卡在防守方面,攔截非常準,根本對方想單對單扭過佢都好困難,而且佢頭搥又唔差,真係一個難得嘅收購。佢助攻就爭少少,主要係同前線未夾熟,再過多幾場夾熟啲之後睇睇十佢會唔會有助攻?楊格就好明顯你叫佢單對單防守對手就較困難,但如果你要佢以經驗去預先判斷對方嘅攻擊套路就還可以。另外,佢打翼出身,所以佢在有壓力低下處理皮球係做得好好,係好少在後場失波。而佢嘅助攻算係帶起少少左路嘅攻勢。

FB_IMG_1568514761546.jpg

龍門方面:今場要撲救次數都唔多。係頭5分鐘有球要迪基亞用腳擋,係佢最擅長嘅一樣技術。而角球嗰度,蘇B安排打聯防,令到佢唔洗暴露佢弱點。整體表現算合格。

FB_IMG_1568563091938.jpg

雖然贏波,但表現未必可以完全說服到球迷。球隊仲有好大嘅進步空間。


[多奇出品] - 蘇B份工唔易做?

到底蘇斯克查呢位曼聯現任領隊份工易唔易做?要答這個問題,首先要將蘇B現在所遇到問題但在費sir在90年代皇朝開始建立時從未遇到嘅列出嚟先。點解我要咁做呢?咁可以證明一樣嘢,想復興曼聯係一項不一樣的任務。

FB_IMG_1566757899437.jpg

蘇B遇到而費sir從未遇過嘅問題有:

57fa1523244f0614c108310ff7de05b0.jpg

一、山神薪酬過高表現卻一塌糊塗。佢攞住周薪35萬磅嘅人工,但出場32場入得3球,其他隊友見到佢咁嘅樣,緊係個個要求加人工啦。有表現嘅主力,好似迪基亞咁,要求有山神咁嘅人工,而其他表現冇主力咁出色嘅,都要求加薪加成一倍,咁究竟俾唔佢哋好。俾佢哋嘅話,球會財政負擔會加重,唔俾又會造成球員不滿而影響場上表現,亦都減低佢哋對球隊嘅歸屬。

sketch-1508151989180.png

二、球員天價嘅轉會費。自從尼馬以2.2億由巴塞轉會到巴黎之後,球員嘅轉會市場簡直陷入瘋狂狀態。如果要買個有潛質做頂級球員嘅年青人都至少要5千萬磅,再加上方丈同摩佬用過大筆錢在轉會市場但都幫唔到曼聯攞聯賽冠軍,所以蘇B想買人都唔容易。唔似當時費sir只係用咗3千萬磅就買咗里奧費甸南,而C朗都係用咗1千2百萬磅左右就買到。




三、處理前領隊帶嚟嘅球員。例如:馬迪、山齊士、費特同盧卡古。球會領隊買球員前必定做晒資料搜集同分析佢哋嘅優點、缺點同性格。由於蘇B係上年季中接任球隊,所以一方面要處理班摩佬同方丈嘅部下,但另一方面要建立自己嘅班低。我唔係話佢哋用嘅人實力唔夠,而係大家買人嘅方針同準則係有差別。方丈同摩佬要即時睇到成績,蘇B就係要從新建立另一個皇朝;一邊係即食,一邊係睇長遠,所以無話對與錯,只係睇到領隊同球員之間係咪啱Channel。

四、沒有歐聯踢嘅賽季,有實力球員自然唔嚟。當然,曼聯今季踢唔到歐聯佢都需要查明原因。不過,英超競爭大咗係事實,以前車仔、阿仙奴同曼聯幾乎佔去歐聯三個席位,而現在係6隊爭頭四(車仔、阿仙奴、利記、曼城、熱刺同曼聯)。佢哋唔似西、意同德甲咁實力較懸殊。踢歐聯甚至攞冠軍係每個球員嘅夢想,咁可想而知,曼聯點樣可以吸引到啲實力同經驗兼備嘅球員呢?

FB_IMG_1567258045852.jpg


睇完以上四點,我可以講句蘇B做曼聯領隊嘅時機真係不合宜。因為佢正面對住內憂外患嘅境況。第一同第三點係自己可以控制範圍內嘅問題,亦都係相對嚟講較易處理。但唔會在短時間內可以完成調整到囉。例如:明知冇前鋒用都要貼錢借走山神,另外又將唔合蘇B重建嘅球員(盧卡古)賣走。而第二同第四點係有外在因素影響,較難以球會一己之力去處理,佢哋可以做嘅就係做好自己本分。例如:在一啲名氣唔大球會買啲年輕又有潛質嘅球員同埋用自家青訓球員,透過比賽同前輩指導提升自己實力,亦都將目標訂在前四,藉此增加打歐聯嘅機會。蘇B處理以上問題嘅過程將會轉化成為佢寶貴嘅經驗,而這些經驗就係建立曼聯新皇朝嘅重要基礎。









咁究竟球迷會俾幾多時間蘇B去重建呢?這個冇一定答案,我都希望大家俾意見。

Nistelrooy.jpg

如果真係要我俾意見,我就話三年。點解?我係參考番曼聯在2002-2003年球季至2006-2007年球季中費sir點樣重建球隊同所用嘅時間嚟衡量。當時由碧咸、雲尼斯杜萊、堅尼、白蘭斯、華朗等球員點樣同C朗、朗尼、李奧費甸南、沙夏、星仔等球員新舊交替,我亦都見証咗曼聯在2002-2003球季奪冠之後嗰三年點樣同冠軍無緣,(2003-2004阿仙奴、2004-2005車路士、2005-2006車路士)直至2006-2007球季再重奪聯賽冠軍。





另外,我點解支持蘇B呢?原因有三。

sketch-1551914490188.png

一、費sir同名宿嘅支持。一隊球隊最重要係咩?就係有話事人同隊中有地位嘅人支持,佢哋嘅一句支持勝過千言萬語。最近之前成日指責摩佬名宿史高斯,雖然見球隊頭四場比賽戰績不濟,但係佢都照撐蘇B,仲話佢有心理準備對面曼聯嚟緊兩年與冠軍無緣。




二、曾用名帥領軍,但效果未達預期。球迷希望球隊再次奪聯賽冠軍並維持一段時間,可惜事與願為。成績最好都係得亞軍,但錢就用咗好多,而且唔知點解,球會球同佢哋關係好易轉壞。與其係咁,不如用一個對球會有深厚感情,熟悉球會歷史,使命同環境嘅人做領隊。


三、擁有寶貴奪標經驗,善於閱讀球賽同具備頂級球員成長經驗。經常後備出場嘅蘇B,曾經射入好多重要入球,有次甚至一場入四球,佢嘅球賽閱讀能力極佳。除咗球賽閱讀能力之外,作為前鋒嘅佢對傳球、射門、頭搥同走位亦有心得,佢可以引導年輕球員點樣改進自己。同時間,佢亦為球隊攞過6次聯賽冠軍,一次歐聯,所以一隊球隊要擁有咩元素建立皇朝佢係知嘅,這個亦都乎合曼聯重建嘅方向。


雖然我係希望蘇B繼續教,但有兩個因素蘇B或佢嘅支持者要留意:




一、死敵嘅興起。眾所皆知,曼城同利記同曼聯係死敵。近年曼城大大話話都攞咗四次聯賽冠軍,而對上兩個球季都係佢哋囉,歐聯更係四強嘅常客。另外利記由高普帶領下,上年差少少在聯賽可以奪冠,歐聯更係奪得冠軍,對比之下曼聯只可爭歐霸,對我隊球迷嚟講人哋繼續進步,我哋就持續走下坡,在這個對比之下,係好容易觸動到不滿情緒。

168612144.jpg

二、球迷對曾經係歐洲皇者(曼聯)嘅期望。球迷對自己愛隊有期望係好合理,作為一位支持者睇到愛隊贏波同奪冠,就好似打咗支興奮劑咁,開心到瞓唔到覺。球迷著住曼聯波衫就有一種優越感,帶著無限嘅光榮。唔知你哋之前有冇試過咁樣,但現在想出現這個情景係好困難,尤其係我哋捧咗曼聯十幾年嘅。如果再用現在嘅曼聯配對番過往對曼聯嘅期望,一來觀眾會睇到抑鬱,二來會俾太大壓力班球員,當然做得職業球員就遇咗啦!但足球係相對,一隊係以享受比賽嘅心態踢,一隊就帶有不滿情緒踢,如果兩隊對戰會邊隊佔優啲?蘇B就係要面對大部份係這類觀察嘅期望。

FB_IMG_1567360695202.jpg

最後,想講係其實2007-2008球季曼聯都係打咗頭4場就5分,而最終攞咗聯賽同歐聯冠軍,當然現在情況同競爭對手實力都唔同,但如果因為咁而炒蘇B就不合理。首先,有邊個領隊會接手,莫耶斯之前話會俾時間佢重建,但教一季就再見。雲高爾同摩佬教曾經有點氣息又炒。如果連蘇B依個曾為曼聯立下咁多功勞,而又咁了解曼聯內部,當初又話咗會支持佢重建球隊兼最得曼聯名宿認同嘅領隊都炒埋,曼聯領隊依份工我諗好難搵到人做。