[K11出品] 曼聯點將錄 – 七小福的萬能老倌

我們ROYCE SPORTS曼聯.費格遜已經去到12,000個讚好，不厭其煩, 再次講句，讀者嘅支持，就是我們前進的原動力！今次我K11揀選了曼聯七小福當中的萬能老倌, 能勝任左右二閘及防守中場的加利仔親弟弟 – 菲臘尼維利, 菲臘仔!

菲臘尼維利, 出生於1977年1月21日, 現已退役但仍活躍於足球界, 曾成為曼聯助教團, 亦曾於西甲球隊華倫西亞的助教, 不過於2015/16球季尾已請辭, 暫未曾成為球隊主教練, 不時擔任球賽評述員。

貴為曼聯黃金92一代的一員, 當然由青訓開始便已效力曼聯, 於18歲時便第一次為曼聯一隊披甲, 由於菲臘仔本身為防守球員, 其踢法也是非常務實, 沒有半點花巧, 而且左右腳階精, 固不時任左右二閘, 最主要為當時曼聯名宿艾雲的替補球員, 身穿12號球衣的菲臘仔, 防守意識不俗, 位置感足夠, 不時亦被時任領隊費SIR安排於防守中場, 可說是曼聯當時的萬能球員!

出道2年後, 由於曼聯陣中多名球員均入選英格蘭國家隊, 身為七小福之一的菲臘仔也於1996年首次代表英格蘭上陣, 當時英國傳媒也期待著加利仔及菲臘仔於英格蘭正選左右二閘同時上陣!

可惜嘅係, 當時七小福的傑斯, 碧咸, 史高斯, 加利尼維利已成為球隊主力, 甚至畢特的出場時間也慢慢增加, 而菲臘仔卻只是一名萬能替補球員! 費SIR曾經安排菲臘仔於左右中場位置做替工, 但表現未如理想, 再次回到後備席! 等了又等的菲臘仔終於等到艾雲離隊, 亦繼承其留下來的3號球衣, 不過一段時間的過去後, 隨著法國兵施維斯達的加盟, 加上球隊竟然又再出現一位萬能而且相當年輕的球員 – 奧沙, 菲臘仔的前途亮起了紅燈!

亦因為於曼聯缺少上陣時間, 令菲臘仔未能穩坐英格蘭正選左閘一位, 經過努力後, 終於能在2000年歐國盃成為左閘正選, 不過少有出錯的菲臘仔卻於分組賽最後一場對陣羅馬尼亞的補時階段犯下天條, 結果直接令英格蘭恥辱性於分組賽出局, 傳媒便將出局責任放在菲臘仔身上, 令其國家隊的仕途添加了灰暗, 更灰暗的是, 布歷治及艾殊利高爾的掘起可說是令菲臘仔的國家隊左閘生涯完結, 而中場位置卻已經有謝拉特及林伯特的出現, 菲臘仔慢慢地只成為了國家隊的過客或替補球員。

於2003/4球季, 菲臘仔雖然失去了正選左閘的位置, 但卻搶得一席防守中場,  不時與隊長堅尼同時或輪流上陣, 間接令七小福中的畢特離隊, 不過一段時間過去後, 其位置再次被奧沙搶去, 而且不時連後備席也進不了。當時菲臘仔正是球員黃金時間的26-28歲, 如果繼續做後備, 甚至連落場的機會也沒有, 不但影響其狀態, 更會連英格蘭國家隊的位置也被搶去, 所以菲臘仔決定於2005年離隊他投, 目的只希望獲得更多的上陣機會, 保持狀態, 最終與曼聯和平分手, 於該年8月轉投愛華頓, 結束其上陣386場的紅魔生涯。

轉到愛華頓發展的菲臘仔証明了自己的能力, 成為球隊主力, 更於幾年間成為球隊的隊長, 當時加利仔與菲臘仔兩兄弟分別成為曼聯及愛華頓隊長, 而且其穩定的發揮也成為其標記! 效力了曼聯10年的菲臘仔, 也於愛華頓效力了8年後, 於2013年夏天正式退役!

回顧菲臘仔於曼聯的成就, 為球隊奪得6次英超冠軍, 3次足總盃冠軍, 1次歐聯冠軍, 相信已經無憾, 只不過身為黃金92一代的菲臘仔, 被外界認同其實力的時間, 卻並非效力曼聯期間出現, 或多或少有點可惜! 無可奈何地, 職業足球員需要以充足的上陣來維持其作戰狀態, 若果當年費SIR只是外借菲臘仔而並非賣走, 等待葡萄成熟後, 菲臘仔可以解決後堅尼時代的防守中場問題。

[K11出品] 曼聯點將錄 – 荷蘭出產的入球機器 – 雲尼斯杜萊

我們ROYCE SPORTS曼聯.費格遜已經達到10,000讚好，再次講句，讀者嘅支持，就是我們前進的原動力！而為了呢個里程碑，由讀者選出１０，０００大關曼聯點將錄嘅紅魔１０號球員，就是效力曼聯５年間，入球率超過６０％嘅入球機器，來自荷蘭嘅雲尼斯杜萊。

雲尼斯杜萊，又名雲佬，前荷蘭職業足球員，司職前鋒，現年４０歲嘅雲佬出生於１９７６年７月１日，效力曼聯前曾效力ＰＳＶ，其後由曼聯轉到皇家馬德里，球員生涯晚年也曾效果德甲嘅漢堡及西甲嘅馬拉加，其後宣佈掛靴！

雲佬並非出生於名門，１７歲時只是效力荷蘭乙組球會丹保殊，４年間出場６９場射入１７球，及後以外借身份加盟荷蘭國內另一球隊海倫芬效力一季共３１場賽事，入球數字只是１３場！不過其潛力引來荷蘭國內勁旅ＰＳＶ對其招手，２２歲便以４２０萬鎊加盟！效力首季便已取得正選之位，更以３４場射入３１球嘅驚人數字勇奪該屆荷甲神射手，只係以２分之差被當時英格蘭前鋒菲獵斯壓過失落歐洲金靴獎，但成功當選荷蘭足球先生。

其後一季因傷患問題，只能出場２３場，但仍然有２９球嘅入球數字，不幸地，右膝受傷時間卻是季尾嘅４月份，亦因此未能為荷蘭出戰２０００年歐洲國家盃呢項國際大賽。結果於次季下半季才能復出，當季出場１０次入２球！由於費ＳＩＲ正要尋找代替舒寧咸離隊嘅前鋒空缺，就這樣一拍即合，雲佬以１，９００萬鎊轉會加盟曼聯成為紅魔鬼，亦順理成章穿起１０號球衣！

雲佬成魔後嘅首季雖然未能帶領曼聯奪取英超冠軍，但卻以１０球成為歐冠神射手，同時獲得該屆英格蘭球員先生嘅獎項！而效力曼聯頭３季，保持非常好嘅入球紀錄，聯賽均最少射入２０球，而２００２／３球季於各項賽事更射入達４４球之多，聯賽射入２５球成為神射手之餘更帶領曼聯重奪英超冠軍之位，於歐冠亦射入１２球再次蟬聯歐冠神特手此獎項，由於雲佬如此高嘅入球率，於禁區內常常能捕捉機會，被稱為＂入球機器＂，加上當時曼聯仍有黃金雙翼集斯與碧咸，對於雲佬嘅成功有著極大幫助。

到了２００４／５球季，雲佬因傷經常缺陣，也曾與費ＳＩＲ不時有爭執而被貶後備，該季各項賽事只有１６球嘅進帳，也開始令雲佬於曼聯嘅前途亮起紅燈！不過２００５／６球季，雲佬再次表現其射手本色，加上隊內有朗尼及Ｃ朗嘅支援，令其聯賽入球數字重達二字頭，但賽季後段，費ＳＩＲ與雲佬關係開始接近決裂，於賽季最後一場賽事前，有傳雲佬與Ｃ朗起爭執，而當時Ｃ朗正是費ＳＩＲ陣中最有前途新人，加上為了平息隊內不和關係，取捨之下，雲佬最終被貶後備，因不滿費ＳＩＲ如此安排，結果於賽前自行離隊！

而雲佬效力曼聯時正值曼聯與阿仙奴鬥得激烈嘅時段，仍記得２００３球季，　雲佬其中一場於補時階段射失１２碼後被阿仙奴基昂等球員嘅挑釁（韋拉因雲佬而被球証以紅牌趕離場）。。。。。直接令２隊嘅敵對關係更加火熱！

其實於２００６世界盃後，費ＳＩＲ與雲佬關係已有改善，但無奈皇家及拜仁出價雖不算天價，卻已令曼聯管理層開綠燈，而費ＳＩＲ當時亦有法國前鋒沙夏作替補，或者防止雲佬再次與Ｃ朗起爭執，就這樣雲佬便離開曼聯，轉會西甲勁旅皇家馬德里！其實。。。。。也造就了費ＳＩＲ當季需要借用瑞典老牌射手拿臣嘅決定，而且相當成功！

 離開曼聯後嘅雲佬於皇馬仍然發揮其射手本色，效力頭２季，出戰６１場射入４１球嘅西甲入球，連續２季帶領皇馬奪得西甲冠軍！但其後２季因傷多次缺陣，入球率也降低，已經年屆３３歲嘅雲佬，於２００９／１０轉戰德甲漢堡，２季後再回西甲效力馬拉加，２０１２年５月１４日於３６歲時宣佈掛靴

雲佬於荷蘭國家隊有達５０％入球率，出場７０場射入３５球，不過於１９９８年開始成為國家級球員後，卻要到２００４年才能代表荷蘭出戰歐洲國家盃，可惜最終於４強敗給東道主葡萄牙！

雲尼斯杜萊這個名字，說出來便想起＂入球機器＂，＂禁區射手＂等等，而於曼聯嘅雲佬，更加令費ＳＩＲ當時嘅４－４－２戰術發揮得淋漓盡致，因為２邊嘅傳中球，絕對需要敏銳中鋒嘅配合，於禁區內轉化成入球，而雲佬正正作為當時黑白雙煞慢慢退下來作出替補嘅最佳人選，令費ＳＩＲ落下賭注於ＰＳＶ受傷半年嘅雲佬仍然邀請其加盟呢個決定成為一時佳話！可惜嘅係，不少荷蘭球員亦有嘅紀律問題，雲佬亦逃不過，與隊友產生不和實在是領隊最反感嘅事，否則，雲佬與Ｃ朗呢對組合，可以成為一對風靡全歐洲嘅最佳拍擋！

[K11出品] 曼聯點將錄 – 紅魔瀟灑哥 – 貝碧托夫

讀者們，我們ROYCE SPORTS曼聯.費格遜已經達到9000讚好，讀者嘅支持，就是我們前進的原動力，為左慶賀9000讚好，今集我Ｋ１１帶俾大家嘅曼聯點將錄球星中，揀選了一眾紅魔鬼內，一位於球場上雖然速度不高，但瀟瀟灑灑，護球能力爆錶嘅9號球員 – 貝碧托夫。

貝碧托夫，保加利亞職業足球員，司職前鋒，出生於1981年1月30日，成名於利華古遜，先後效力熱剌，曼聯，富咸，現效力希臘足球隊PAOK 。效力紅魔４年間，共射入５７球，贏得２屆英超聯賽冠軍，１屆聯賽盃冠軍及１屆世冠盃冠軍。

年青時的貝碧效力國內球會索菲亞中央陸軍，於2000/01球季表現突出，11場比賽射入9球後，德甲球會利華古遜對其極為有興趣下，於2001年1月收歸旗下，可惜貝碧並未能適應德甲足球嘅節奏，上陣6場零入球，幸好於2001/2球季便慢慢適應歐洲主流聯賽節奏，攻入16球，但表現極為飄忽，於2002/3球季上陣31場只得5球。不過於2003-2006這3季內，為利華古遜上陣118次共攻入69球之多，而且其技術出眾，護球能力極好，一般德甲後衛也難以搶走腳下球。而且於2004/5球季，利華於歐冠盃賽事中共射入5球，令歐洲各大球會認識了誰是貝碧。

2006年夏天，英超球隊熱刺決定用1600萬歐元(當時約為1090萬英鎊)購下貝碧托夫，這是保加利亞球員有史以來身價最高的足球員。貝碧托在英超的地標戰是主場面對該季升班馬錫菲聯，並馬上取得首個英超入球，不過英超聯賽的節奏與德甲有強烈差別，節奏快速，身體碰撞不計其數令貝碧托夫用上了一段時間去適應，但其質素之高，卻令貝碧維持自我風格的瀟灑，仍能活於英超聯賽內。結果加盟首季，貝碧與愛爾蘭前鋒拍擋羅比堅尼一剛一柔，成為英超聯賽內其中一對令後衛聞風喪膽的攻擊組合，而且於４月份，雙雙獲選為該月聯賽最佳球員。該球季上陣33場以12個入球11個助攻完成首個英超球季，更入選聯賽最佳陣容和熱刺球會的足球先生。其後一季，貝碧入球率維持高水平，全季出場５２次射入２３球。

就在２００８年夏天轉會窗最後一日，時任曼聯領隊費格遜將貝碧購入成為該轉會窗標王，轉會費達3000萬鎊，身穿９號球衣，開始了貝碧於曼聯只有４年卻令球迷印象深刻的時光。貝碧於曼聯的處子戰便應戰利物浦，3分鐘即助攻迪維斯入球，可惜球隊最終以1:2落敗。 不過貝碧托夫雖然技術出眾，瀟灑非常，可惜由於節奏較慢，太有自我風格，與曼聯一直以黎以快速撕破對手防線嘅風格不同，即使如此，貝碧仍然協助球隊於2008／9球季繟聯英超聯賽冠軍，個人攻入9球，交出9助攻，成為隊中助攻王。而且某程度上，由於貝碧已慢慢適應曼聯戰術，費格遜於貝碧托夫及迪維斯２人之間，最終選擇了貝碧，令迪維斯最終選擇入城抗曼聯！

其後一季的２００９／１０，貝碧嘅踢法經費格遜調教下，有所改善，而且隊友也習慣了其風格，令貝碧有非常好嘅表現，其中貝碧不時創造出高難度而華麗嘅入球，例如轉身窩利，倒掛等等。可惜其後因傷缺席缺席了該季大部分賽事，也因此曼聯的英超冠軍被車路士乘機搶走。。

不過及後一季，於 11月27日，對戰布力般流浪的賽事中個人射入5球，追平了英超聯賽單場球員個人入球最多紀錄，曼聯更大勝對手7比1。最後該季協助球隊重奪英超冠軍寶座，並且以２１球，與已經成為曼城射手迪維斯並列英超神射手。

不過２０１１／１２球季，球隊最終以得失球被同市死敵曼城壓過成為聯賽冠軍，該隊貝碧於聯賽只出場１２場攻入７球，慢慢地從正選陣容中退下。

由於費格遜為求於死敵重奪英超冠軍，其後一季簽入阿仙奴當家射手雲佩斯，亦令貝碧於曼聯陣中地位更低下，結果於2012年夏天，貝碧轉會富咸，與曾經於熱剌合作嘅領隊祖爾故劍重逢。不過經過１季半後，２０１３／１４季中，貝碧決定轉到法甲發展，於摩納哥效力期間，共出場５３場射入１８球的不俗成績，不過由於其年紀與速度的問題，其後轉會到希臘ＰＡＯＫ，直到現時仍然效力該球會。

貝碧托夫，於曼聯是否成功？雖然最後可能算是敗走而回，但相信一眾紅魔迷，對貝碧托夫踢法之細膩，不時作出高難度而華麗嘅動作印象深刻，我Ｋ１１絕對認為貝碧托夫於曼聯是取得一定成就，而且當貝碧托夫適應球隊節奏後，其護球能力，往往反而成為球隊由守轉攻的起點，而且成為穩穩的出發點。瀟灑哥之名，並不是浪得虛名，其腳法動作之細膩，簡直令人賞心悅目，令曼聯陣中除了一眾以高速撕破對手防線嘅殺手外，增添一份藝術感！到呢一刻，我Ｋ１１仍然經常記得貝碧托夫於底線前的華麗轉身。

[K11出品] 曼聯點將錄 – 遲來的門神 – 雲達沙

讀者的支持，是我們ROYCE SPORTS前進的原動力，由各位讀者於我們ROYCE SPORTS網站內投票選出的新一集曼聯點將錄正是一名35歲才加盟曼聯成魔，卻於5年間為曼聯4奪英超聯賽冠軍，1次歐聯冠軍及2次聯賽盃冠軍，最後選擇於紅魔結束其職業球生涯＊的一代門神－雲達沙

＊      本年為其青訓母會VV Noordwijk於門將荒其間復出一場把守及撲出１２碼，令球隊得以１：１打和。　

雲達沙，前荷蘭藉職業足球員，位置守門員！成名於阿積士，其後效力祖雲達斯，富咸及曼聯！出生於１９７０年１０月２９日嘅雲達沙，１５至２０歲時期效力荷蘭低組別球隊VV Noordwijk，於２０歲被阿積士球探發掘及後轉會，其後由雲高爾提拔下當上了阿積士一隊正選門將近１０年之多，於１９９５年更為球隊摘下歐洲冠軍球會盃（前歐聯）冠軍！

於1999年轉會到了意甲勁旅祖雲達斯，效力祖記２年間竟然同樣未能奪得意甲聯賽冠軍，分別屆居於拉素及羅馬之下，當時祖記擁有迪比亞路，恩沙基等名將！不過其後一季，保方加盟令雲達沙出走後，祖記即成為意甲聯賽冠軍，或多或少令外界聯想到是否因雲達沙狀態下滑有關，與此同時，據報以７７０萬鎊轉會至英超二線球隊嘅富咸，令外界覺得雲達沙已經為黃昏球員，但於效力富咸４年間，令此隊剛升班嘅球隊一直維持英超中游位置，其實富咸真係好好彩！

不過雲達沙於４年後再度遇上伯樂－費爵爺！2005年夏天，轉會到英超球隊曼聯，對於一名３５歲老將及於一線球隊回到二線球隊後，可謂再嘗第二春！不過２間球會均未有透露是次轉會費，但有傳為２００萬鎊！

雲達沙亦未有令費爵爺失望，於加盟之後一季嘅２００６／７球季，便協助球隊重奪失落三年嘅英超聯賽冠軍。２００７年５月５日，於作客曼城嘅曼市打比戰中，用腳擋出曼城前鋒華素爾嘅１２碼，為球隊保住勝局，令球隊得以提前兩輪壓過車路士奪冠。

其後一季嘅２００７／８，對曼聯及雲達沙可謂相當重要，開季第一場賽事於社區盾再戰車路士，戰至加時仍以1-1打成平手，結果進入互射十二碼階段，雲達沙連續撲出了車路士三名球員嘅十二碼，最後球隊以3-0勝出。該季曼聯亦以２分之微壓過車路士再次成為英超聯賽冠軍，到了賽季最後一場賽事－歐洲冠軍球會盃決賽，曼聯由Ｃ朗嘅入球為球隊追成平手，再次要以１２碼決勝下！雲達沙於最後撲出安歷卡嘅１２碼，協助球隊奪得冠軍，同時個人第二次奪得此項大賽冠軍。

２００８／９球季，於聯賽與維迪及里奧費迪南組成嘅防線保持連續11仗不失球，雲達沙亦因此打破由施治所保持1,025分鐘零失球嘅紀錄。雖然於２００９／１０球季終被車路士以１分之微壓過未能實現４連霸，不過其後一季再次帶領曼聯重奪令其效力曼聯５年間４奪英超聯賽冠軍。去到２０１１年季尾，雲達沙決定於曼聯退役，其後返回荷蘭母會阿積士，擔任管理層工作。

雲達沙嘅國家隊生涯要到２５歲的時候先可以擔正，不過一守就１３年，直到２００８年全面退出國家隊！代表荷蘭出戰１３０場。

雲達沙於阿積士及曼聯時代贏盡所有獎項，不過期間經歷了祖雲達斯嘅低潮期，其後由富咸從新出發，令大家明白一件事，即使當初幾咁風光，贏盡一切，不過一旦遇上低潮，便應該沉著應戰，做好自己，即使由低做起，只要有實力，同樣會得到人賞識，再創人生另一個高峰！

而且，雲達沙於３５歲高齡先加盟紅魔鬼呢隊傳統勁旅，壓力一定大，不過雲達沙於費爵爺統領下，多次表現自己仍然係一代門神，先天身材嘅優勢，冷靜，良好嘅反射神經及位置感，多年累積下來經驗，一切一切都令呢名荷蘭門將，永久刻入曼聯史冊內！佢，就係雲達沙！

[K11出品] - 曼聯點將錄 – 曼聯/紐卡素/南華名宿.畢特

感謝各位讀者對我地ROYCE SPORTS嘅支持, 專頁讚好已達8000, 我K11當然要推出作品慶祝一下, 而今集既主角是92黃金一代的7小福之一，可惜既係，於曼聯既成就一直屈居人後，霸佔正選位置嘅，正是隊長堅尼，而一直鬱鬱不得歡嘅，就是今集主角 – 畢特!

畢特出世於1975年1月21日，前英格蘭國家隊國腳，司職防守中場，出生於曼聯青年軍嘅畢特，其後轉投紐卡素，曾外借伯家翰，其後曾到南華(香港甲組足球隊)效力短時間。

其實畢特是黃金一代的七小福中，較早獲得一隊上陣機會嘅球員，於1992便於一隊上陣。初出道嘅畢特憑上佳嘅洞悉力及硬朗攔截，令其得到[新恩斯]嘅美譽，不少球評家對畢特嘅未來都寄予厚望，預期畢特能成為堅尼嘅最佳接班人， 可惜其餘7小福陸續登場後都相繼成為正選球員，反而畢特仍不時只成為堅尼嘅替補，一名正發展中嘅年青球員如果得不到上陣機會，其實是妨礙其發展速度。 可是，相信費SIR也能以說服自己將當打嘅堅尼放於後備席，只有於緊密賽程或堅尼受傷，停賽嘅情況下，畢特才能有正選出場嘅時候，其餘可能只是賽事尾段的垃圾時間，這嚴重影響其發展及國家隊嘅前途，慢慢地，堅尼與史高斯緊密嘅攻防組合，容不下畢特嘅存在。

雖然未是絕對主力球員，但畢特也於曼聯獲獎無數，當中包括曼聯1999年成為[三冠王] 嘅歐聯冠軍，而這場歐聯決賽，由於堅尼及史高斯均未能上陣，畢特與碧咸鎮守中場中路，配以傑斯及布隆基斯作為左右兩翼出戰拜仁慕尼黑，結果最尾的3分鐘，戲劇地反勝2:1成為歐聯冠軍盟主。

可是，及後數年，畢特嘅發展繼續是半沉不黑，仍然未能於曼聯隊中坐穩正選之位, 2004年，29歲嘅佢，決定出走紅魔，轉會到紐卡素尋求更多上陣時間。可惜轉會後卻遇上一連串嘅傷患令畢特未能獲得重用，不久便被借到前曼聯名宿布魯士執教嘅伯明翰。

經過一季不俗嘅表現，從回紐卡素。2007年1月14日，畢業射入加盟後首個入球, 於白鹿徑球場對戰熱剌時射入1球，帶領紐卡素以3比2勝出賽事。同年2月15日於歐聯比賽中，因為時任隊長柏加受傷患困擾，畢特成為該場比賽嘅隊長，而4月9日於英超出戰阿仙奴時，畢特更成為全場最佳球員，即使柏加復出後，畢特已經穩坐隊長一職。2008年12月21日為紐卡素上陣100次聯賽，再次擊敗熱剌，不過今次於主場上演。2010年約滿後，原先打算退休，但後來卻打消此退意，只隨隊跟操保持狀態。

2010年11月5日，於呢個時候，香港甲組足球聯賽班霸南華足球隊主委羅傑承宣佈，與畢特嘅經理人達成協議，到香港跟隨南華操練，並會於跟操結束後討論加盟的可行性。

16日後，畢特正式宣佈加盟南華足球隊。畢特於11月29日下午抵達香港，穿上南華足球隊12號球衣，於11月30日對天水圍飛馬嘅香港甲組足球聯賽客串上陣一場，畢特初次上陣就主射自由球協助南華追和 1-1，最終球隊以 2-1 反勝天水圍飛馬。

畢特賽後返回英國與家人商量後，決定正式簽約加盟南華足球隊，合約期會由2011年1月到季尾，其後畢特落實於1月23日再到香港，協助南華足球隊出戰亞洲超級球會挑戰盃（即2011年度賀歲盃足球賽）以及亞洲足協盃。

於2011年5月，畢特離開南華並回到英國，宣佈退役。於5月24日，畢特於加利尼維利紀念賽對祖雲達斯比賽中，跟傑斯、史高斯、碧咸重組昔日黃金中場，並有不俗表現，最後僅以2-1敗北。

國家隊嘅畢特上陣共３９次，未有入球。１９９８年世界盃落選最後參賽名單，而２００２年世界盃因謝拉特因傷落選，畢特得以成為英格蘭正選防守中場，並有不俗表現，球王比利認為畢特為該屆世界盃表現最令人驚喜的球員。畢特亦有入選2004年歐洲國家盃嘅大軍名單當中，卻因為傷患而錯過了這項賽事。這名防守中場最後一次代表國家隊上陣是於2004年9月對西班牙嘅友賽。

畢特曾於曼聯獲特８屆英超聯賽冠軍包括（1993、1994、1996、1997、1999、2000、2001、2003），１９９９及２００４年足總盃冠軍，　１９９９年歐聯冠軍，於紐卡素則曾獲得２０１０年度英格蘭冠軍足球聯賽冠軍，南華方面，則於２０１０／１１年獲得香港聯賽盃。

畢特嘅才能其實應能於曼聯佔一席位，可惜堅尼嘅勇態及其領導才能實在令費ＳＩＲ毫無猶豫之心，就此令畢特屈居後備，可是對一名正在高速發展嘅年青球員，實在有好大影響，狀態是從比賽中操起來，經驗是從比賽中累積起來，有著實戰嘅經驗，往往令不少球員嘅潛在能力得以順利發揮。雖然曼迷不忍承認，但事實卻發在於普巴身上，結果普巴嘅選擇是正確的，由於普巴得到足夠嘅上陣機會，進步嘅速度相當明顯，現時已經貴為法國國家隊及祖雲達斯不可或缺嘅主力球員。

某程度上，畢特於２９歲才出走，可能已經遲了一步，因為２９歲對於一名職業足球員來說，其踢法，進步速度已經到達平穩期，要再有一個突破相當不易。但要出走當時正在巔峰期嘅曼聯，卻不是一件易事，感覺就是敗走！不過，畢特對於我Ｋ１１，絕對不是敗走，雖然堅尼有著絕對嘅隊長風範，但畢特嘅個人能力絕不下於堅尼，一隊足球隊要有足夠嘅板凳深度，才能應付多線發展！而且畢特轉會紐卡素，經過適應期後，慢慢成為球隊主力，可見畢特嘅能力絕非等閒，只是生不逢時，遇上堅尼！作為七小福之一，畢特就好似家人一樣，　出走，從不容易接受，家的大門，永遠打開。離開了紅魔十數年，畢特已回家了，現時為曼聯青年軍教練，期待著七小福再次為曼聯打江山嘅日子。

[K11出品] – 曼聯點將錄 – 費SIR年代最後的左後衛.艾夫拿

我K11繼傑斯後, 第二個想同大家分享既係費SIR年代最後的左後衛 – 艾夫拿, 篇幅會集中以K11角度分析其踢法, 對曼聯既重要性, 效力曼聯時成功或失敗既原因, 艾夫拿於2014年7月21日被賣到祖雲達斯, 到底佢於曼聯是取得成功? 還是失敗? 全盛時於曼聯又有幾重要? 一齊黎睇下!!

Patrice Evra艾夫拿, 法國人, 出生於1981年5月15日, 出生地為塞內加爾, 前曼聯正選左後衛, 法國國家隊, 司職左後衛, 左中場, 現效力於意甲勁旅祖雲達斯, 對於我K11黎講, 2006年既時候, 對艾夫拿並不熟識, 從FM遊戲中, 他仍是一名左中場/左翼, 但看到於曼聯的賽事, 他是一名左後衛, 但處子戰既佢表現並不好, 面對曼城輸波而回, 由於當時陣中仍有軒斯同達哥, 我對艾夫拿仍然無太深印象, 而其實佢於曼聯前既足球生涯也不是太如意, 雖然於法甲勁旅巴黎聖日耳門 ( 但當時巴黎聖日耳門並不及現時的強大 )開始青訓隊, 但輾轉間去到意大利丙組球隊馬沙拉效力, 期間曾轉會意乙球會巴利薩, 直到2000年重返法乙尼斯效力, 2002年, 有幸得到當時法甲摩納哥教練迪甘斯邀請加盟, 於2003年球季便助球隊贏得法甲聯賽盃冠軍, 翌年再帶領球隊打入歐冠盃決賽, 可惜大敗於當時由摩連奴執教既波圖成為亞軍, 因該球季表現出色而入選法國國家隊。

2006年冬季轉會窗, 費SIR以5.5M鎊將艾夫拿帶到奧脫福, 簽約3年半, 但要等到2006/7球季, 艾夫拿先可以借住當時球隊主力左後衛軒斯的受傷, 把握機會上位, 藉住其速度快及好體能既特質, 更加令施維斯達慢慢退為後備, 不過其最大缺點就係身高只有5尺8吋 ( 亞洲人黎講其實唔矮 ), 其制空力不強, 令不少對手都針對其弱點佈署, 不過於費SIR退休前既球季, 莫名奇妙地, 艾夫拿助攻的頭鎚搶點竟然成為曼聯該季其中一個殺著, 該季有4個入球, 次季由莫耶斯帶領下仍有3個入球, 2個賽季已經攻入到目前為止有紀錄下職業生涯既50%入球, 而7球中有4球為頭鎗, 我地一齊黎欣賞下艾夫拿於曼聯既10個入球:

當2014年5月27日, 曼聯與艾夫拿繼約1年, 但雲高爾上任後, 於同年暑假已被賣到意甲球會祖雲達斯, 正式結束其8年半的紅魔生涯。

艾夫拿掌管曼聯左後衛達6年多之久, 當然有著其一定既重要性及貢獻, 其高速度, 快狠準既攔截, 令不少前鋒及翼鋒望而生畏, 不過講到最可怕, 相信係佢與C朗於06/07至08/09所組成既左路攻擊線, 其準確既疊瓦式助攻, 落底傳中既技巧, 與及其一般後衛無既腳下功夫, 為曼聯達成英超3連冠既神話, 而其實艾夫拿與朗尼既默契都好好, 艾夫拿與C朗及與朗尼合作既分別, 在於C朗會不時用艾夫拿引開對手後衛, 之後自行爆破, 而朗尼則會借著艾夫拿落底既準確時間, 好多時都交出穿越球到艾夫拿落底出波或直插禁區攻門, 數據說明一切, 艾夫拿於曼聯的10個入球中, 有5球便是朗尼助攻的, 可見2人之默契吧。

而講到艾夫拿, 除了曼聯既隊友, 不得不提, 相信便是蘇亞雷斯, 一場種族歧視的風波, 一個不握手的畫面, 相信都成為當時大家球迷茶餘飯後既話題, 2011/2012年球季的小風波, 10月份既賽事, 蘇亞雷斯於比賽期間多次以種族歧視既說話侮辱艾夫拿, 最後蘇亞雷斯被英格蘭足總於12月停賽8場之久及罰款4萬鎊, 艾夫拿於該球季既2月11日主場對利物浦, 打出爭氣波, 勝出2:1, 以下為賽後艾夫拿帶點挑釁既慶祝。

艾夫拿好過份嗎? 各有前因莫善人, 大家睇埋呢段賽前雙手球員握手既片段先啦。

時間過去, 這些時刻都只係球壇既小風波, 雙方於其後既賽事都有握手:

又等我K11同大家一齊分析下艾夫拿於曼聯踢法既重要性, 艾夫拿於冬季空降奧脫福, 但首場賽事其實表現並不好, 但由於當時球隊攻擊線主力為朗尼, C朗及入球機器尹利斯杜萊, 此入球機器最擅長於禁區內找尋機會, 所以如果戰術上, 多點令皮球早點進入對手禁區地帶, 對尹佬有一定優勢, 而艾夫拿正正係助攻力強既後衛, 不俗既腳下功夫, 經常既疊瓦式出波或殺入禁區, 令曼聯當時既攻擊力有所增加, 從而令經常受傷及表現不穩定既軒斯與不擅助攻既施維斯達成為後備, 及後既英超3連冠更成一時佳話, 雖然其制空力弱已是其出道後不久被公認既事實, 但於曼聯最後既2個球季, 其實彈跳力不俗既佢, 掌握時間更有一手既情況下, 令一眾看輕佢既對手, 教練齊跌眼鏡, 可惜年華老去, 加上景物依舊, 人面全非, 雲高爾接掌曼聯後, 未曾於其執教下出賽便結束曼聯生涯, 畢竟雲高爾有其獨特一套既戰術理念, 不是計劃中, 勉強留下, 對於當時33歲既佢, 都未必係好事, 加上意甲勁旅祖雲達斯既邀請有望繼續其職業生涯, 有何不好呢? 向呢度, 我地為艾夫拿對曼聯8年半所作出既貢獻給予掌聲, 及一齊欣賞下其曼聯生涯既光輝歲月及精彩圖片。

[K11出品] – 曼聯點將錄 - 傳奇11號.傑斯

小弟會不定時推出曼聯球星系列, 篇幅會集中以K11角度分析其踢法, 對曼聯既重要性, 效力曼聯時成功或失敗既原因, 首集介紹既球員, 如果各位心水清既讀者便會估到 (唔心水清既, 再俾多點貼士大家, 我再自我介紹, 我叫K11), 就係曼聯現任副總教練, 曼聯其中一位傳奇左翼, 被冠以威爾斯巫師之名既11號仔 – 傑斯 (Ryan Giggs)。

傑斯, 威爾斯人, 出生於1973年11月29日, 出生地為卡迪夫城, 前威爾斯國家隊隊長, 曾經擔任英國奧林匹克足球隊隊長, 司職左中場, 中場中路, 現任曼聯領隊雲高爾副總教練。

傑斯既足球生命全部奉獻俾曼聯及威爾斯, 係曼聯陣中效力年期最長既球員, 一共為曼聯上陣左24個球季, 由1990至2014年5月19日既職業生涯, 總共為曼聯上陣963場， 創下了連續23季為曼聯取得入球既輝煌紀錄, 同時傑斯亦都係費SIR黃金一代中七小福之一及最早出道/成名既一員, 相信問好多曼聯球迷, 曼聯最出色既左翼有邊個, 傑斯呢個名字會好快於腦海出現, 就算唔係曼聯既球迷, 相信都唔會否認, 教科式既左翼踢法, 快速, 盤球技術出眾, 準確既傳中球, 已經令傑斯於世界球壇留下一本教科書, 傑斯於曼聯所取得既重要賽事獎項超過20個, 其中包括1998/1999年既3冠王, 個人獎項都超過10個包括威爾斯足球先生, 英格蘭PFA足球先生等等, 可惜對於傑斯, 從未帶領威爾斯打入國家隊重要大賽既決賽周可能係其足球生涯唯一既遺憾 ( 不過佢班以巴爾為首既師弟最近成功帶領威爾斯打入2016年歐洲國家盃決賽周, 完成其願 )。

傑斯為曼聯上陣963場, 交出168個入球, 其中一個震驚當時球壇既入球就於1998/1999年3冠王既一季, 於足總盃四強，對手為阿仙奴, 雙方戰至加時既下半場, 傑斯於中場截得阿仙奴球員中場既誤傳, 單人匹馬帶球一扭四帶入禁區射入黃金進球，帶領曼聯擊敗當時擁有基昂, 阿當斯, 施文如此完美防線既阿仙奴而晉身決賽, 而呢個入球亦被選為英格蘭足總盃最佳入球, 

曾經與多位曼聯名宿包括大帝簡東拿, 麥克曉士合作過既傑斯, 受一眾前輩既影響, 加上費SIR既戰術, 令傑斯既才華充份發揮, 於七小福全盛之前, 已經與簡察斯基組成雙翼齊飛既組合, 其後跟碧咸, 堅尼, 史高斯組成既曼聯中場, 可謂攻/守/快/慢/長/短並存, 要講到傑斯點解可以於曼聯取得如此成功, 相信呢個人一定功不可沒 – 費SIR!
由於傑斯既才華吸引到曼聯球探, 於傑斯14歲生日當天, 費SIR親自敲門造訪，游說當時差點加入曼城傑出運動員學校既傑斯, 費SIR同意於傑斯三年後滿十七歲即可轉為職業球員， 最後傑斯答應費SIR及於青年訓練計畫既表格上簽名，正式加入曼聯, 展開其成魔之路, 費SIR對傑斯既影響並不止於此, 由於傑斯最擅長既係高速, 變速, 左右轉向既盤扭 ( 即使被人稱為單蹄馬, 但一隻腳都玩死你 ), 加上當時費SIR於曼聯全力推行442陣式, 以2翼快速進攻, 配以中路中鋒攻門, 當時擁有麥克曉士, 簡東拿等猛將既曼聯, 正正適合傑斯既高速落底傳中, 當時左傑斯, 右簡察斯基, 令其他球隊既2閘球員望而生畏, 其後費SIR一早培育既七小福開始收成期, 左右二閘, 加利仔/菲獵仔(當時菲獵仔非必然正選), 左中場為傑斯, 右中場為碧咸, 進攻中場為史高斯, 防守中場為畢特( 當時多居堅尼席位之後 ), 令2翼齊飛踢法更加成熟, 前鋒為黑雙煞約基加高爾, 及白雙煞蘇B加舒寧咸, 基本上全是禁區殺手 ( 再望望現時曼聯既正前鋒及小弟上篇文章所提及既”火”, 有點慨嘆…… ), 搶點能力強, 頭鎚好, 決斷既埋門, 把握力強, 完全配合底線傳中後, 要入波既必備條件, 當然傑斯既高速, 華麗既盤扭技術, 與及妙到毫巔既底線傳中, 除天份外, 都經過後天既多番努力, 造就傑斯長期霸佔曼聯左中場之位。

當然, 傑斯也會老, 由於年紀漸長, 速度開始慢落黎, 再用高速突破既招式唔再係萬試萬靈, 費SIR於約2006球季開始, 慢慢將傑斯改造成中場中路, 希望用其經驗, 傳球既準繩延續當時已經34歲既傑斯, 成功不是一朝一夕, 曾經擁戴傑斯既我, 望住速度下降, 遲疑既決定, 引致球隊失球, 也希望傑斯不如光榮退休 ( 緊記, 唔係討厭, 係想傑斯有個美好結局好過爛尾收場 ), 但估唔到既係, 也教給現時既年輕人, 只要肯努力, 一定成功, 結果, 傑斯慢慢將中場中路既位置, 駕馭得到, 當然費SIR減少傑斯既出場次數令其水準得以保持都係其中因素, 結果傑斯足足戰至2014年球季, 以40歲高齡成為了目前唯一一位可以連續23個球季都有入球既曼聯球員, 此紀錄相信都難以被破。
從傑斯既球員生涯, 我地可以睇到既唔止係天份, 努力, 更加睇得到, 傑斯取得成功, 因為其球員既才能配以適合既戰術是為相當重要, 要踢442戰術, 左右2翼快速落底 ( 或以碧咸既妙絕傳中球 ), 一定要配以擁有搶點能力強, 頭鎚好, 決斷既埋門, 把握力強既前鋒才能將戰術充分發揮, 否則, 多漂亮既底線傳中也只是徒然, 可惜既係, 近年各球隊戰術已經慢慢減少採用全統翼鋒及快放落底線傳中攻門既戰術, 小弟認為, 除了現時各球隊希望2翼球員可以多點由邊線推橫入中路射門, 增加埋門機會 ( 老實講, 踢開逆向腳翼衛既你都知道, 推橫入中路之後狂抽去龍門射門係幾爽同幾有威脅既事 – 當然如果做到 ), 另外2個原因之一係現今球壇再已經少有傑斯般質素既翼鋒出現, 絕妙既傳中球既然缺乏, 不如將戰術轉變, 底線傳中只係輔助既戰術 ( 加上巴塞隆納式小組組織於近年盛行 ), 另一個原因, 就係搶點力強/頭鎚好/把握力強既正前鋒於近年球壇都少之有少, 所謂天時地利人和, 老虎法卡奧曾經係曼聯一個希望, 可惜效果不佳, 到底係咪真係法卡奧既能力有問題? 定係無一個傑斯般既傳中翼鋒配合, 不得而知了……………再送俾大家一些傑斯既精彩圖片。