卡域克:我地踢得太懶散喇!

曼聯又再做和平使者!歐霸八強首回合曼聯領先大部份時間,點知最後5 分鐘被安德烈治迫和1:1。賽後今場隊長卡域克接受BT Sport 訪問,佢表示曼聯應該係支配球賽時入多D 波去終結球賽。「係上半場我地控制球賽,但係愈踢就愈懶懶閒。」「令人困擾係因為我地應該好輕鬆就贏波,但係我地做唔到。安德烈治只有一個機會就入左個頭槌,太令人失望。」「我地太懶散攪到控球權都失埋,對手變到踢得好舒服。球隊無創造足夠嘅入球機會,1:0 永遠都係一個好危險嘅比分,今場亦都再次證明呢個事實。」「作客和波1:1 其實唔係世界末日,我地嘅形勢都算唔錯,不過真係令人好困惑,今場我地唔應該只係和波。」「點都好,我地會保持正面,下回合會踢好D,希望可以殺入四強。」