連加特續約四年

曼聯官宣同青訓產品連加特續約至2021 年,另加延長合約一年條款。自從2014/15球季入選一隊,連加特已經為曼聯上陣70 場射入11 球。連加特表示自從7 歲佢就係曼聯,每一次著起件波衫落場佢都覺得好自豪。而兩度係盃賽決賽為曼聯入波,令佢同佢屋企都覺得驕傲。佢亦都好多謝球迷對佢嘅支持。官方消息無提及連加特人工有幾多,不過外媒報導連加特週薪大幅提升200%,亦即係十萬鎊週薪。