北愛爾蘭公布歐國盃廿三人決選名單，除左麥尼亞，原來仲有唔少同曼聯有過賓主關係嘅球員入選。
首先係門將卡路爾，佢本來係曼聯都係做後備門將居多，但係係侯活嚴重失準嘅情況下獲得正選席位，不過之後雲達沙加盟後就知道無運行，轉左會去韋斯咸，依家就踢緊北愛超聯嘅Linfield F.C.。
至於另一個熟悉舊將係伊雲斯，佢同佢細佬哥利伊雲斯雙雙入選國家隊。佢兩兄弟都係踢曼聯青訓出身，不過大哥發展叫做好D，係曼聯都算多機會上陣，不過大家都知佢上季就已經去左西布朗。細佬哥利伊雲斯發展就無阿哥咁好喇，佢司職中場，係曼聯只係試過1 次係一隊出場，仲要係季尾無關痛癢嘅賽事。其後主要都係英冠發展，依家踢緊布力般流浪。
最後就係後衛卡夫卡特，佢都係曼聯青訓出身，試過係一隊做後備，但係未上過陣就轉左會去黑池，踢左一季英超就係英冠到打滾。2014 年佢加盟屈福特，亦都隨隊升班，啱啱個季就踢左35 場英超，可以話係佢職業生涯嘅一個里程碑。
