ROYCE SPORTS 轉會指數：伊巴，莫拉達，疏爾及更多

「ROYCE SPORTS 轉會指數」是由一條我地自家設計既電腦程式（ALGORITHM）所計算出黎既。呢一條電腦程式由28個國外賭博網站（ROYCE SPORTS 並不鼓勵賭博）及76個TWITTER戶口，利用賠率及關鍵字識別計算轉會可能性，再轉化成為轉會指數。

ROYCE SPORTS 轉會指數解釋（加盟篇）：

RS 轉會指數 > 1 = 加盟曼聯比加盟其他球會或留隊更大機會

RS 轉會指數 > 5 = 加盟曼聯機會較大

RS 轉會指數 > 10 ＝ 加盟曼聯機會非常大

*以下數據取於2017年6月15日，並不反映日後既轉會機會

 

莫拉達加盟曼聯：11.5（機會非常大）
雖然曼聯最新報價係£6500萬，而皇馬叫價£7500萬，曼聯已經與莫拉達方達成共識，因此曼聯只需要與皇馬完成談判，呢單轉會就會完成。


法賓奴加盟曼聯：5.6（機會大）


曼聯與摩納哥已經達成共識，但要等法賓奴放假後先可以就個人條款談判。暫時未知道究竟法賓奴想唔想加盟曼聯。


比列錫加盟曼聯：2.0（中等機會）
曼聯仍與國際米蘭就比列錫既轉會費進行談判。暫時睇曼聯無意付國際米蘭所要求既£4500萬 - 5000萬（連浮動條款）


菲臘比安達臣（Felipe Anderson）加盟曼聯：0.7（機會相對細）


巴洛提加盟曼聯：0.5（機會相對細）
巴洛提仍然係曼聯既後備目標。


米高堅尼加盟曼聯：0.5（機會相對細）


究竟曼聯會唔會再買中堅就視乎會唔會放走一名中堅。


占士洛迪古斯加盟曼聯：0.4（機會細）
卡斯帕舒米高加盟曼聯：0.4（機會細）
丹尼羅斯 (Danny Rose) 加盟曼聯：0.4（機會細）
艾歷迪亞 (Eric Dier) 加盟曼聯：0.3（機會細）
拉賈·尼恩哥蘭（Radja Nainggolan）加盟曼聯：0.3（機會細）
華拉尼加盟曼聯：0.2（機會細）

ROYCE SPORTS 轉會指數解釋（留隊篇）：

RS 轉會指數 > 1 = 留隊比加盟其他球會更大機會

RS 轉會指數 > 5 = 留隊機會較大

RS 轉會指數 > 10 ＝ 留隊機會非常大

 

疏爾留係曼聯：4.1（機會相對大）

雖然疏爾上季表現不理想，摩連奴願意比疏爾留隊。但係如果有球隊出一個好既報價，不排除曼聯會放走疏爾。


迪基亞留係曼聯：2.8（中等機會）

莫拉達轉會中並不會包括迪基亞，曼聯今夏可以留住迪基亞既機會越黎越大，除非皇馬肯挪一位大牌球員與曼聯交換。

 

伊巴加盟美職聯（只限今個轉會窗）：2.3（中等機會）

伊巴宜家會留係曼聯養傷，唔排除伊巴復出後曼聯會向佢提供新約


朗尼加盟中超：1.2（中等機會）
史摩寧留係曼聯：1.2（中等機會）
贊奴沙加盟皇家蘇斯達：1.1（中等機會）

聲明：Royce Sports 並不鼓勵賭博，以上資料只作參考。如以上資料令閣下蒙受損失，Royce Sports 概不負責

Royce Sports 轉會指數：莫拉達，迪基亞，法賓奴，及更多

「Royce Sports 轉會指數」是由一條我地自家設計既電腦程式（Algorithm）所計算出黎既。呢一條電腦程式由28個國外賭博網站（Royce Sports 並不鼓勵賭博）及66個Twitter戶口，利用賠率及關鍵字識別計算轉會可能性，再轉化成為轉會指數。

Royce Sports 轉會指數解釋（加盟篇）：

RS 轉會指數 > 1 = 加盟曼聯比加盟其他球會或留隊更大機會

RS 轉會指數 > 5 = 加盟曼聯機會較大

RS 轉會指數 > 10 ＝ 加盟曼聯機會非常大

 

堅尼加盟曼聯：5.8

曼聯與般尼差唔多就呢位前曼聯球員既轉會費達成共識，轉會費會係 £2000萬左右。另外曼聯賣堅尼去般尼時加入左一個 「sell on clause」條款，因此曼聯會獲得堅尼轉會費既 25%。代表曼聯今次轉會只需要付轉會費 75%既金額。

 

法賓奴加盟曼聯：3.7

法賓奴加盟曼聯既情況與堅尼差唔多，雖然曼聯與摩納哥仍然傾緊法賓奴既轉會費，但係相信唔需要好耐就可以達成共識。法賓奴既轉會費會係 £5000萬左右。

 

連迪洛夫加盟曼聯：3.3

曼聯與賓菲加係連迪洛夫 £3500萬既轉會費已經達成共識，唯曼聯與連迪洛夫傾合約條款上遇到阻濟，如果能夠係合約條款上達成共識，相信呢單轉會如無意外會落成。

 

比列錫加盟曼聯：3.0

曼聯仍然與國際米蘭就比列錫既轉會費進行談判。

 

莫拉達加盟曼聯：2.8

莫拉達係摩連奴今夏前鋒轉會目標首選。曼聯最新向皇馬既報價係£5200萬，但被拒絕。皇馬向曼聯既回覆係£7800萬。

 

占士洛迪古斯加盟曼聯：1.1

假如曼聯未能買入比列錫，曼聯會轉移目標到占士洛迪古斯身上。

 

巴洛提加盟曼聯：0.4

假如曼聯未能買入莫拉達，曼聯會轉移目標到巴洛提身上。巴洛提既解約金係 £8700萬。

 

巴爾加盟曼聯：0.4

基沙文加盟曼聯：0.2

盧卡古加盟曼聯：0.2

 

Royce Sports 轉會指數解釋（留隊篇）：

RS 轉會指數 > 1 = 留隊比加盟其他球會更大機會

RS 轉會指數 > 5 = 留隊機會較大

RS 轉會指數 > 10 ＝ 留隊機會非常大

疏爾留隊：2.3

雖然疏爾上季表現不理想，摩連奴願意比疏爾留隊。但係如果有球隊出一個好既報價，不排除曼聯會放走疏爾。

迪基亞留隊：1.2

 

曼聯今個夏天暫時企硬唔賣迪基亞，皇馬亦見開始退宿，因此曼聯今夏可以留住迪基亞既機會越黎越大，除非皇馬肯挪一位大牌球員與曼聯交換。

伊巴留隊：0.9

伊巴留隊同離隊既既機會率均等，但係暫時睇曼聯未必會同伊巴續約，伊巴下一個球會亦未有定案。

 

聲明：Royce Sports 並不鼓勵賭博，以上資料只作參考。如以上資料令閣下蒙受損失，Royce Sports 概不負責

曼聯正式進入普巴談判!

曼聯正式進入普巴談判。魔連奴希望今個暑假能夠為曼聯簽下一名大牌球員。由於皇馬覺得其轉會費，人工及經理人費用太高，皇馬暫時已經停止追逐普巴。祖雲達斯已經表明需要 £9500萬 以上既轉會費先會放人，而根據西班牙足球專家 Guillem Balague，曼聯願意為普巴付£9750萬既轉會費。至於經理人費用方面，同樣係伊巴及米希達恩經理人既 Mino Raiola 表明假如任何球隊想簽下普巴必須付 £2031萬既經理人費用，而普巴既年薪亦要達到£974.98萬。

Royce Sports 分析：
1. Mino Raiola 與皇馬關係差
- 2010年 Mino Raiola 因為伊巴轉會與佩雷斯衝突，而且被問到普巴與皇馬事宜，佢竟然回答「球員將報價當毛巾咁掉」。再加上假如皇馬簽下普巴後普巴將成為皇馬球隊中C朗後最高人工既球員，必定會嚷成更衣室衝突。基於 Raiola 與皇馬關係，再加上曼聯對普巴亦有興趣，相信佢必定會就金額企硬。

2. Mino Raiola 對曼聯＋魔連奴有好感
-根據 Sky Sports 伊巴轉會曼聯既事宜接近完成，而 Raiola 對伊巴轉會既球會會特別好，因為伊巴某程度上係佢最大既客戶，佢當然想伊巴贏得最多獎盃啦～跟何況「得伊巴，得天下」，可以借機會令佢自己既客戶贏得獎盃，自己都有著數。
係米希達恩一事上，米希達恩表明曼聯係佢既夢想球會後，Raiola 為了令多蒙特放人，幾乎與球會高層「反檯」，可以見佢為客戶爭取加盟曼聯既決心。

曼聯與多蒙特進入深入談判！

多蒙特向曼聯表示曼聯如果想帶走米希達恩就必須付 £3200萬 (€4000萬) 。雖然曼聯暫時未有作出報價，但係曼聯與多蒙特已經進入深入談判。而多蒙特方面已經為米希達恩搵緊接班人，相信成事機會頗高。

曼聯早前向多蒙特為米希達恩遞交過 £1900萬 （€2400萬）嘅報價。米希達恩上季係多蒙特52場比賽中射入23球及助攻32球，可以話係多蒙特嘅主力球員。呢名27歲嘅亞美尼亞球員主要踢右翼，亦可以司職攻擊中場及左翼。

米希達恩同多蒙特嘅合約將會係 2017年6月30日完結。

曼聯對艾斯派列古達有興趣！

曼聯向車路士詢問艾斯派列古達既情況。魔連奴視艾斯派列古達為曼聯右閘目標之一，但係法比奴仍然係魔連奴頭號右閘目標。巴黎聖日耳門同畢爾包都對呢位西班牙右閘有興趣。

根據西班牙報紙 AS，如果有球隊願意付 £1180萬，車路士將會允許佢離隊。

球員小檔案：
名字：César Azpilicueta
國籍：西班牙籍
球會：車路士
身高：1.78m
歲數：26歲（1989年8月28日出世）
位置：右閘
常用腳：右腳
球王片：https://www.youtube.com/watch?v=-iv0xtpn2gk

Mino Raiola：米希達恩想去曼聯！

根據米希達恩經理人 Mino Raiola （亦係伊巴經理人），「曼聯係一個獨特既機會，米希達恩希望以任何方式加入佢地（曼聯）。」佢亦話「多蒙特管理層係幾個月前已經答應米希達恩暑假可以離開多蒙特，而多蒙特亦有收到正式報價。但係多蒙特既高層害怕佢地既球迷，突然間佢地話米希達恩需要下個暑假自由身離開，呢個係好差既管理。」

多蒙特 CEO Hans-Joachim Watzke 表示：「我地同米希達恩已經傾新合約傾左4個月，但係我地知道佢唔會延長合約。我地從來無答應過米希達恩可以提早離開多蒙特。」

曼聯早前向多蒙特為米希達恩遞交過 £1900萬 （€2400萬）既報價。米希達恩上季係多蒙特52場比賽中射入23球及助攻32球，可以話係多蒙特既主力球員。呢名27歲既亞美尼亞球員主要踢右翼，亦可以踢攻擊中場及左翼。

米希達恩與多蒙特既合約 2017年6月30日完結

來源：Bild，ESPN 

原文：
"Manchester United are a unique opportunity," Raiola said. "Micki wants to join them now by any means."

"Those in charge at BVB promised Micki months ago that he can leave the club in the summer," Raiola said. "Dortmund have an official offer, but the BVB bosses now fear their fans. All of a sudden they say that he has to leave on a free next summer. That's very bad management."

"We've been negotiating a new deal with Henrikh Mkhitaryan for four months," Hans-Joachim Watzke confirmed in Bild. "We now know he won't sign an extension. There was never a promise that he can leave us prematurely."

ESPN：曼聯預備莫拉達報價

根據 ESPN 消息，曼聯對莫拉達表達左強烈興趣，並準備緊向祖雲達斯報價。莫拉達係皇馬既時候係魔連奴手下獲得地標戰。而曼聯假如要簽下莫拉達將會遇到皇馬，阿仙奴及車路士既競爭。

曼聯與 Breel Embolo 仍然處於談判階段
曼聯與伊巴談判暫時由於歐國盃同伊巴與巴黎既合約暫停左

另外根據 ESPN 主持人，活華特既土耳其籍髮型師同佢講「會有驚喜」（Be Surprised) 。

片段：http://www.espnfc.com/story/2889660/manchester-united-preparing-offer-for-juventus-alvaro-morata-source

曼聯與Breel Embolo展開談判

曼聯與巴素爾展開談判，希望能夠買入19歲瑞士籍前鋒Breel Embolo。巴素爾為該名球員定價£2000萬，而曼聯已經報價£1500萬＋浮動條款。同時，曼聯亦與球員代表已經傾緊個人條款。
Embolo與巴素爾既合約2019年6月到期。

球員小檔案：
名字：Breel Embolo
國籍：瑞士，喀麥隆
球會：FC Basel （巴素爾）
身高：1.85m
歲數：19（1997年2月14日出生）
位置：前鋒（中），右翼
常用腳：右腳
FM 潛力值：4.5星
球王片（ScoutNation)：https://www.youtube.com/watch?v=NHuXBQTnSWY

曼聯轉會更新

係曼聯宣佈簽入拜利後，曼聯仍然有機會會買多一名後衛。今日等我地同大家更新下曼聯既所有轉會目標同佢地既情況啦！

後衛：
史東斯（John Stones)，愛華頓
－曼聯代表曾經聯絡愛華頓，而愛華頓對史東斯既價錢評估係£5000萬。曼聯將會遇到曼城既競爭。

華拉尼（Raphaël Varane），皇馬
－純屬興趣階段，曼聯未有作出任何報價

中場：
普巴（Paul Pogba），祖雲達斯
－普巴係曼聯中場頭號目標。曼聯早前曾經報價£6000萬，但被祖雲達斯拒絕。相信祖雲達斯對普巴評估既價值係 £7800萬。儘管曼城唔會求購普巴，曼聯將遇到強烈競爭。皇馬，車路士，巴塞，巴黎聖日耳門等球隊將與曼聯競爭，希望能夠簽下普巴。曼聯係售賣普巴既時候並無加入回購條款，宜家皇馬最大機會簽下普巴，跟隨既係曼聯。普巴重回曼聯機會同留低係祖雲達斯機會一樣。

馬迪 （Nemanja Matić），車路士
－係曼聯正求購普巴期間，曼聯繼續求購車路士既塞爾維亞防守中場馬迪。曼聯曾經向車路士詢問過馬迪既情況，魔連奴亦自行聯絡過馬迪希望佢能夠加盟曼聯。

安祖高美斯（Andre Gomes)，華倫西亞
－祖雲達斯接近簽下曼聯曾經詢問過既比真歷後已經結束對安祖高美斯既興趣。曼聯暫時未有面對任何競爭簽下呢位葡萄牙中場，但係華倫西亞已經改口話唔賣，但係曼聯依然相信£4000萬左右既報價可以打動華倫西亞。曼聯暫時未有作出任何報價，而安祖高美斯係曼聯既後備中場轉會目標

塞爾（Saúl Ñíguez），馬體會
－合約中有£5400萬既解約金，曼聯暫時只係詢問過

右翼：曼聯未有明確目標，純屬興趣階段

基沙文 (Antoine Griezmann)，馬體會
－曼聯暫時只屬興趣階段，馬體會已經與基沙文傾談續約事宜，如果成功續約，解約金隨時超過£7800萬。如果曼聯要買入要儘快出手

米希達恩（Henrikh Mkhitaryan)，多蒙特
－曼聯曾經詢問過有關佢既資訊，但未有作出任何報價，純屬興趣階段。根據德國踢球者報導米希達恩接近加盟阿仙奴。

前鋒：
伊巴謙莫域 （Zlatan Ibrahimovic），巴黎聖日耳門（7月自由身）
－伊巴希望7月後再加盟新球隊，所以暫時要等候最新情況

Breel Embolo，巴素爾

－曼聯同球會＋球員同時傾談緊，巴素爾想要£2000萬，而曼聯既報價係£1500萬＋浮動條款。稍後時間會再作報導

曼聯聯絡愛華頓！

[Royce Sports 轉會消息]
曼聯代表聯絡愛華頓，希望能夠簽下今年22歲既史東斯。而愛華頓方面回覆 £5000萬係佢地覺得合理既金額。假如曼聯想簽下史東斯，最大既對手就會係曼城與巴塞。巴塞方面轉會預算不高，因此可能會被曼聯／曼城既報價所超越。曼聯轉會預算大約有 £2億元，而伊巴轉會亦無用到曼聯任何轉會費（除伊巴經理人佣金），相信曼聯會願意付愛華頓所要求金額。但由於曼城係轉會費上相信唔會有太大問題，所以一切就視乎史東斯個人意願。

史東斯與愛華頓既合約2019年到期。

伊巴接近加盟曼聯！

[Royce Sports 轉會消息]
曼聯同伊巴嘅傾談已經進入最後階段，亦都係人工上達成協議，大約為22 萬鎊週薪。不過就仲有D 個人條款需要繼續談判，當中包括伊巴保證出場時間及伊巴經理人Mino Raiola 嘅佣金。Mino Raiola 宜家身處蒙地卡羅為旗下另一位球員談判，因此可能要2-3 日後先可以繼續同曼聯傾埋伊巴轉會嘅手尾。但係同 Sksports 報導一樣，伊巴好大機會係6 月13 號之前，亦即係瑞典係歐國盃第一場波開波之前落實加盟曼聯。

身高 1.95米既伊巴謙莫域10月就會35歲，但對佢黎講年齡重來都唔係一個問題。佢上季係歐聯出場10次，共射入5球及有3個助攻。另外係法甲出場31次共射入38球及有13個助攻。

呢位新仔會唔會成為摩帥上任首簽呢？

摩連奴有意係今個夏季將目前效力韋斯咸嘅小將Reece Oxford帶到奧脫福，並且已經報價£1500萬。但韋斯咸方面就堅持唔肯放走佢。究竟呢位年僅17歲嘅年青球員有咩過人之處，吸引到摩連奴想簽佢呢？

呢位年輕人原來係上年16歲果時被轉去踢一隊，打破左韋斯咸上陣嘅最年輕球員歲數之餘，表現亦令球迷眼前一亮。

韋斯咸中堅Reece Oxford

韋斯咸中堅Reece Oxford

身高1米9嘅佢，目前係韋斯咸一隊任職中堅，年紀輕輕就要擔起韋斯咸防線呢個重大責任，對佢黎講都咪話唔大壓力，不過係今季嘅表現黎講，佢總共射入1球同交出1個助攻，已經算唔錯。

而韋斯咸唔肯放人嘅原因，相信係因為自家青訓曾經亦出過一代傳奇中堅－里奧費迪南，所以唔希望再放走佢。呢名小將到底會留係韋斯咸定係空降曼聯？今個夏季就會知道！

奧巴美揚轉戰英超？

前剛果國家隊隊長Daniel Cousin係BBC話：「我覺得佢會想去英超多D，因為英超同德甲係完全兩回事，踢英超所需要嘅體力往往比踢其他地方嘅聯賽都要多，但睇得出佢會好快適應到。依家係一個好機會比佢轉戰英超，由其是加盟曼聯或者曼城呢類大球會，我相信佢會成功。」「我覺得佢可以有更多入球同埋可以係大球會中吸收更多經驗，點解我咁講？因為下季曼聯同曼城將會分別由摩連奴同哥迪奧拿呢對怨家執教，呢2位名帥都對佢日後發展好有幫助！」

前剛果國家隊隊長Daniel Cousin

前剛果國家隊隊長Daniel Cousin

講左咁耐，到底「佢」係邊個？咪就係奧巴美揚囉。

年薪高達4,500萬嘅奧巴美揚今年26歲，身高1米87，係2013年仍然效力法甲聖伊天球會嘅佢以1,300萬轉會費轉到德甲多蒙特，目前任職中前鋒。呢位前鋒係今季嘅德甲射手榜排第2，僅次於拜仁慕尼黑嘅利雲度夫斯基，相當唔惹少。到依家為止，佢總共為多蒙特上陣140場，攻入80球。

佢亦係今季帶領球隊殺入德甲決賽，雖然最後以12碼輸比拜仁慕尼黑，但睇得出奧巴美揚呢位前鋒相當有潛質成為傳奇前鋒。

國家隊方面，目前係剛果國家隊任職前鋒嘅奧巴美揚到依家暫時只上陣1場同攻入1球。而剛果國家隊教練Jorge Costa近日係法國國際廣播電台話：「奧巴美揚已經話唔會諗國家隊住，因為佢考慮緊轉會。」

而呢番說話證明左奧巴美揚開始考慮其他球會，唔知Daniel Cousin所講嘅曼聯同曼城會唔會有所行動呢，不過曼聯如果又真係想收購呢名剛果前鋒嘅話，最大競爭對手相信會係曼城之外，仲會有皇家馬德里等球會虎視耽耽呢名剛果前鋒！

曼聯最新目標：安祖高美斯

華倫西亞中場安祖高美斯成為曼聯最新目標。

華倫西亞立場係願意出售呢位葡萄牙中場，不過就要價€4000萬。除左曼聯，祖雲達斯都觀察左安祖高美斯一段時間，佢地都好有意思買佢，不過暫時剩係出到€3000萬＋€2000萬浮動條款。而曼聯就可以出到四千萬歐羅。華倫西亞方面則想等祖雲達斯決定究竟會唔會升高提供既金額，再比球員作決定。

今年23歲既安祖高美斯司職中場，上季係西甲上陣30場射入2 球。佢係賓菲加踢中場既時候外界已經對佢高度評價。佢14/15季既時候由賓菲加被借到華倫西亞，而季尾因好表現被華倫西亞以€1500萬買下。到華倫西亞後都繼續有好表現，被曼聯，祖雲達斯等傳統勁旅睇中。

另外有一樣野值得注意：安祖高美斯經理人係文迪斯。

安祖高美斯小檔案：
國籍：葡萄牙
年齡：22歲
身高：1.88米
常用腳：右腳
位置：中場中
其他位置：攻擊中場，左翼
合約到期：30.06.2020

拉舒福特，波夫域積遜即將續約！

拉舒福特同波夫域積遜嘅新合約就黎簽成，呢件對於曼聯黎講相信好多球迷都覺得係值得賀喜嘅事。由於多隊英超球隊對拉舒福特有興趣，因此今次續約後人工會升價（大約到週薪£20,000），但唔會好似傳聞咁升價10倍。而波夫域積遜方面，續約後人工會有升幅，但升幅不大。同大家介紹下呢兩位曼聯明日之星啦！

係曼市出世嘅拉舒福特今年18歲，身高1米8,國籍係英格蘭，係2014年仲係踢緊青年軍嘅佢轉左踢U18,之後係今年1月1號由U18轉到一隊任職中前鋒。呢名曼聯幸運星轉至一隊之後，先後多次拯救曼聯。包括英超、U21、足總盃等全部賽事中，目前佢為曼聯嘅上陣次數係31場，上陣時間係2,101分鐘，總入球數已經去到12球，而助攻亦有2個，即係每175分鐘就入1球。依家佢嘅薪金係年薪300萬！依家份合約會係2017年6月到期。

今季方面，拉舒福特係曼聯一隊表現突出，而且係處子戰就入波，打破朗尼最年輕球員嘅入球之外，仲同馬素爾、連加特等人好有默契，有幾球入球都係以3至4人小組傳球方式入波。至於今季佢係邊場最突出？相信一定係對陣阿仙奴果場，拉舒福特貢獻左2個入球，為曼聯全取3分！

拉舒福特係對阿仙奴既賽事中為曼聯連入兩球

 

 

國家隊方面，近期拉舒福特入選左英格蘭國家隊，係上星期5嘅首場為英格蘭上陣左4分鐘就交到功課，完全超乎想像，當個個諗住呢名曼聯新力軍上場只係為左吸收經驗時，誰不知佢4分鐘就入波，可謂青出於藍勝於藍！

而同樣為曼聯青訓出身嘅波夫域積遜一樣都係曼市出世，今年19歲，身高1米88，國籍都係英格蘭，係2013年由曼聯青年軍轉左去U18，而係2015年轉去一隊任職左閘。呢位年輕人有機會為一隊上場，全因左閘梳爾受傷，但佢表現其實唔錯，只係缺乏經驗而已。佢目前為曼聯上陣嘅次數有26次，上陣時間有2,044分鐘，其中交出1個助攻。依家佢嘅年薪係150萬！依家份合約會係2016年6月到期。

係今季波夫域積遜表現相對唔太突出，但係首場為曼聯上陣嘅佢需要面對西布朗，憑住體型優勢成功多次攔截對手突破，令人眼前一亮。而且佢心態好，雲高爾睇中佢呢點所以比機會佢落場。

波夫域積遜既地標戰係曼聯對西布朗既賽事，佢係76分鐘入替洛荷

國家隊方面，波夫域積遜係英格蘭U19任職左閘。

相信呢2位曼聯青訓前途無可限量，希望摩佬會重用佢地啦！