20160515 Man Utd vs Bournemouth preview2016年5月15日 ( 周日晚上 ) 英超聯賽: 曼聯 VS般利矛夫 香港時間: 22:00 K11 賽前小分析 旁述:謝霆霆 卡通設計:Henn 今季最後一場英超聯賽,估唔到曼聯仲有野要爭,唔係爭冠,也慶幸唔係要護級,而係要爭奪第四位的歐聯入場卷!不過,其實餘下的機會只係微乎其微,要等曼城作客輸俾史雲斯,而當然地,自己要於這場主場謝幕戰擊敗已踢風流波既般利矛夫。 曼聯經歷了上場既敗仗,士氣相信受折不少,包括上場戰況及爭前四都是由主動變被動!不過,似乎大家都知道,爭第四名要等待奇蹟既出現,反而呢場主場出擊,作為報答今季雖然表現不佳但仍默默支持既球迷,應該要更加用力的了!相信勝利是可以的,而估計出場陣容也沒有任何突變情況,反而舒拉達連及靴里拉上仗既欠佳表現,會否令雲高爾今仗重用卡域克及連加特就是未知之數了。 作客既般利矛夫,由於已護級成功,近仗都是風流波狀態,各球員都等放暑假,唯一有贏波理由就是希望今季能雙殺曼聯,但要考慮曼聯今季主場成績不俗,而般利矛夫近5仗只得1勝1和3敗,唯一勝仗更是面對榜尾既維拉!似乎今仗都唔會阻住曼聯主場謝幕的了!陣容方面,陣中射手是今季只入7球京治,要令迪基亞失守似乎要加多一點努力了! 各位曼迷,相信大家都希望紅魔鬼能以勝利作今季奧脫福謝幕吧,同時,等待奇蹟之降臨!星期日晚再見! K11預計陣容: 迪基亞 華倫西亞, 史摩寧, 白蘭特, 洛荷 卡域克 馬達 朗尼 連加特 拉舒福特 馬素爾
Posted by Royce Sports 曼聯.費格遜 on Saturday, May 14, 2016