[WKD手記] - 原罪缺點
民怨儲左咁耐，終於係今個星期引爆。贏咗雙紅會當然開心，但好波只係維持左四十五分鐘，下半場踢得太龜縮簡直就好似第二隊波咁。當時仲可以話為咗留力踢歐聯而放慢手腳，但輸埋俾西維爾就負評大爆發。入魔至今，摩連奴第一次經歷下台危機。先旨聲明，今日主力講摩帥，唔代表我認同球員心態懶散、季尾都未修到身係合理嘅。
現代足球講求嘅係成績，忠誠、風格、陣容雖然重要但通通唔夠成績緊要。對曼聯迷黎講，只要可以重拾冠軍，哪怕賣走朗尼、雪起上季踢得好嘅靴里拉，有必要嘅賣多次普巴走都仲得！曼聯請得摩連奴返黎，唔通係因為佢教嘅進攻好悅目咩？我地心底裡好清楚防守先係佢拿手把戲，季初進攻有板有眼當然係Bonus，但沉悶嘅三分都尚可接受。相對於普捷天奴、高普、哥迪奧拿等教頭，佢少左華麗足球呢個防衛網，所以輸波果陣佢係球迷心目中就一文不值，更何況佢已經浪費左好幾個有天份嘅攻擊手呢？面對現實，佢黎就係為左勝利，如果聯賽領先十幾分嘅係曼聯，就算幾保守我地都會默默接受。即使佢有提及球員係進攻上未達到佢要求，但亦唔好再幻想佢會忽然踢得好具侵略喇。
除左足球風格，公關手腕同人事處理亦係佢經常俾人批評嘅原因。語不驚人誓不休令佢得到狂人嘅花名，以往有人將佢呢種性格解釋為轉移傳媒焦點，等班球員唔使承受咁大壓力。係當年黎講又真係湊效嘅，但同一招用得太密就無用架喇，何況佢近年最大轉變就係開始強調自己係冠軍教頭、拎過幾多獎盃，一副阿Sir做野唔洗你教嘅口吻，想唔得罪傳媒都難喇。
過往同摩連奴不歡而散嘅球員多不勝數，多半係因為心態同防守達唔到前者要求，但更大原因係溝通方式出現問題。鐘意得佢通常都係啲心理質素、好勝心最強嘅球員，泰利、林柏特、馬達拉斯同伊巴就係好例子，因為佢期望球員就算點批評都可以頂得住，最後係表現上有突破，但一套方法總唔會啱哂所有人口味。曼聯防守進行改革，我地睇到米希達恩係足球風格雖然係唔夾，但後期表現根本係完全係因為信心低迷所致，已經唔關個人實力問題。一個廿零歲嘅英超球員要面對各方批評本來就唔係易事，有啲需要時間消化﹐有啲需要人地扶持，而摩帥就堅持佢呢種處事手腕。
米希達恩人已走，黎緊最大可能離隊嘅就係梳爾，佢被領隊稱讚為最強左閘之後就一路無踢過正選，你話迷唔迷惘？史高斯退役後成日鬧呢樣鬧果樣，俾人觀感麻麻，但對梳爾嘅分析真係無得你唔認。『當教練席係佢果邊時，佢完全無辦法專心踢，因為摩連奴俾左好大壓力佢』梳爾嘅身體語言反映咗一個訊息︰佢係場上做嘅每一個決定都會俾領隊昅到實，結果所有行動都好避忌，就好似米希達恩咁失左對咗足球嘅直覺。
要解決既球員關係何其多，普巴性格多變就話難處理姐，連靴里拉都由最佳球員變到無哂定位，陣中又無好似當年保羅費拉拿呢啲溝通橋樑，呢條路唔通得返馬迪、盧卡古會陪摩連奴行過去？
[WKD手記] - 雙紅會半場好波
係打吡戰勝出比起反CUP水晶宮仲更奮到全隊士氣，因為對住英超攻力第二強嘅鋒線，可以守到佢地無乜符弗，上半場仲入左兩球靚波。話就不能說得太盡，因為文章出街之時曼聯已經被西維爾踢出歐聯，但從呢場波真係見得返前中後三線應有級數。
倒轉咁講，如果對西維爾我地夠膽踢到好似雙紅會上半場咁有紀律同效率，贏嘅可能係我地。
排陣方面摩連奴今次技高一籌，透過左翼壓制對方右閘，係邊路完全食住利物浦。賽前以為高普會一貫地推高條防線，靠體力化足球搶中場得天下。開賽初段利記的確拎到唔少控球權，但個波其實好少去到曼聯禁區附近，呢樣野要歸功於球隊防守時紀律同默契好，知道去到咩位要開始迫出去。利記其實唔少人係中路走位﹐又嘗試快速轉邊希望拉走雙防中同中堅嘅距離，但今仗見到佢地四個補位意識相當好，而且仲有盡力溝通，當對面開始overload時更加會見到山齊士回防填返啲空隙。用另一場大戰黎比較就可以知道紅魔鬼係防守上嘅進步︰仲記得十二月輸俾曼城嗎？當時曼城放高波入危險區域，史達寧同捷西斯竟然係禁區可以三番四次控低個波再修正埋先有人埋黎迫，而今場沙拿想入禁區都難關重重。
簡單黎講，曼聯反擊太有效率令阿諾特完全唔敢疊瓦助攻，沙拿一個人係右路俾好醒神嘅楊格封印足全場，戰術上已經成功左大半。相反，曼聯係自己右路控球嘅時候會放慢黎踢，可能知道馬達容易俾人夾死之餘，又唔適宜快上快落喇。不得不提麥湯美尼成長速度驚人，唔講真係以為踢緊果個係卡域克黎，仲高咗幾吋添！再次成為迫搶目標，但佢完全唔怯場，係中場做交波轉物都夠哂快捷，亦學識左利用重心去應付身體對抗，對手好快就無再刻意去拍佢。咁快已經不被大賽氣氛影響表現，真係令人非常期待﹐呢個PLAN B已經直接俾緊壓力一眾中場球星了。唔好忘記佢對車路士果陣因為大意而令球隊先失一球，簡單工作佢似乎掌握得遊刃有餘，黎緊應該俾佢作更多嘗試同埋增加出場時間。
拉舒福特難得重奪正選就梅開二度，入選世界盃廿三人嘅機會大增，對曼聯固然係一件好事，但同時令仲未融入球隊嘅山齊士更大壓力。山齊士前場大部份位置都踢過，即使夠哂勤力但繼續瘋交失波，尤其下半場形勢開始被逆轉，佢就算拎到波都會心急交返個波俾對面﹐一係就格硬盤扭。我唔認同佢已經開始回塘，反而係被心理壓力影響發揮，如果佢仲俾最高薪英超球員呢啲名綁住自己，硬係想將阿仙奴嘅球味帶入黎，其實好難預見到佢會啱摩連奴用。
[K11出品] 曼聯K角度 – 戰術具效率的三分已袋
主場迎戰利物浦，賽前外界竟然認為主場的曼聯將會於下風的情況，亦認為摩連奴會不思進取地運用保守戰術，加上普巴於賽前一天受傷，形勢更危險。結果球隊以極具效率的踢法，同時也帶有紀律性地把擅於迫搶及需要空間進攻的利物浦全場沒帶來任何具威脅的埋門下，曼聯以2:1全取3分，三分已袋。
今仗陣容繼續為4-2-3-1，龍門迪基亞，中堅拍擋繼續為史摩寧及復出嘅拜利，左右閘分別是華倫西亞及楊格，防中由馬迪配麥湯米尼，進攻中場為拉舒福特、山齊士及馬達，正前鋒為盧卡古。
實際上今場利物浦未有任何攻門能令迪基亞產生極大的威脅，反而失掉的一球卻要迪基亞顯露一下身手，當時拜利想解圍不成，皮球反向自己門框進去，若果其他門將可能只能目送皮球入網而迪基亞卻能作出撲救，雖然最終皮球仍是入了網但卻看到迪基亞的反應之快是何其恐怖，其餘想到的攻門便是費明奴兩次射門太正被迪基亞沒收了。
後防方面，中堅的一對拍擋史摩寧及拜利，先說說史摩寧，今仗表現積極，令費明奴未能在自己禁區內產生威脅，迫使其要退出禁區外活動，而面對利物浦死球時，與雲達克的對決雖然未能盡佔上風但仍能於對方攻門時作出施壓的聰明防守。另一中堅的拜利，復出過來後曾後備入替，今仗正選出擊即顯示自己是現時曼聯中堅位置的最佳人選，無論速度、攔截、位置及力量均是上乘的中堅，多次包抄成功或令利物浦的進攻減至最低程度，可惜便是65分鐘時封阻傳中球卻不幸地反向射入了迪基亞而令球隊失了一球。接著更疑似受傷不過最終能勇戰至完場，這烏龍球算是拜利完美復出的一點點小不足。
左閘的楊格今仗要面對的球員是今季炙手可熱而且於英超已經射入24球的右翼沙拿，賽前不少人擔心是否能勝任此重責而出來效果是楊格把沙拿完全封阻了，全場賽事沙拿只有少數入鏡時間，最有威脅算是48分鐘接應費明奴的傳球於禁區內引來楊格的踩界防守，最終也被史摩寧解圍了。楊格除此之外，還有不斷的助攻，雖然依舊與拉舒福特欠缺配合，不過助攻的表現算是不俗，而防守方面卻完勝了對手沙拿。右閘的華倫西亞，今仗表現同樣積極且富經驗，令文尼的威脅大大減低而且亦迫令對手要走到三閘線取球來向前進攻，可惜最終起腳過高踢中文尼領黃而已。
防中方面，先提提馬迪，雖然今仗表現不算突出但其實相當平穩，於中堅前面成功做出了屏障，而且控球及護球方面都是一級水準。另一防中的麥湯米尼，表現日漸成熟而且把自己最強之處(平穩、簡單、實際)充分發揮，多次成功搶截利物浦球員的腳下球而且非常積極，只要繼續在摩連奴的執教之下，相信麥湯米尼的潛能會繼續顯示出來。
進攻中場的三位進攻球員方面，馬達藉著普巴受傷而搶得了正選之位，而球隊的陣容亦由4-2-1-3改變為4-2-3-1，身為右翼的他，與華倫西亞再次合作，不過今次二人可以合作助攻的次數不多，因為華倫西亞面對的位置正是速度極高且身體對抗性強的文尼，反而馬達的工作變得更多，因為要協防之餘亦要作為串連球隊進攻的流暢度，馬達的球場覆蓋率極高，由右後防至左翼位都看到他的身影，他的走位入攝時間亦非常佳，37分鐘接應山齊士的傳中來個半車身射門便盡顥功架，可惜皮球未能命中目標，否則馬達又再對利物浦射入相近似的入球了。至下半場中段，馬達的體力已經開始透支，不下一次甩掉腳下球，不過因為種種原因影響下，馬達於87分鐘才由連加特入替。連加特入替後雖然時間不多，只有10分鐘的他繼續其勤力的跑動亦令利物浦未能好好於後場開始作出進攻的第一環。
山齊士方面，全場勤力奔跑，雖然被力迫而且亦有多次失去控球權但往往會自己追回補位，不過山齊士最值錢的一點在於他於整個禁區邊的危險性，多次傳出具威脅傳送，包括18分鐘直傳馬達入攝及37分鐘予馬達的半車身射門，而且當拉舒福特被換走後，山齊士亦可擔任左翼位置繼續向利物浦今場弱點出擊，至96分鐘功成身退由達米安入替。明顯地達米安的換入只是浪費一點時間及加強防守而已。山齊士今場於攻中的作用，其實正正是摩連奴希望米希達恩當初想做到的10號位球員，而且山齊士多了在兩側的作用及防守的鬥志與爭勝心。
拉舒福特方面，今仗成為了風頭人物，今季季初有著火熱狀態卻於季中開始走入迷茫之路，加上山齊士加盟及馬素爾成熟速度比他快，拉舒福特慢慢回到後備座位之上，不過其一直努力訓練，而且摩連奴亦給予他絕對的信任及支持，亦讓山齊士給予拉舒福特更多的溝通以便拉舒福特提昇級數。結果馬素爾因傷缺陣，而摩連奴正要一位速度型球員於左路爆破，拉舒福特成為最佳人選成功回歸正選上，開波13分鐘，接應盧卡古二傳後入禁區，再用簡單而直接的扣過阿洛後，射遠柱網仔成1:0，看似簡單卻盡顯功架的處理。射入一球之後，拉舒福特仍然於左路給予利物浦麻煩，而正當23分鐘曼聯於中路進攻之際，皮球意外落在左路K角位的拉舒福特，二話不說的燙射空門成2:0。簡單而直接，沒有多餘的動作，這就是季初的拉舒福特，賽後被選為MOTM。可惜年青球員於26分鐘拿下不必要的黃牌，完半場前亦有一球更危險的攔截，結果下半場68分鐘被摩連奴換出防止紅牌的出現。入替的正是久傷初癒的費蘭尼，明顯不過的換人便是要把中場控球權拿回來，而且也可以作為禁區內防雲達克的協助，費蘭尼的復出亦有著很好的表現，看似不經意的高空爭奪或控球，卻多次讓他簡單的控制下來，這就是摩連奴口袋內費蘭尼的說明書了。快點續約吧…………
盧卡古方面，連續三場賽事入球，而且每一球均是份量十足，今場賽事也令人有一點期待，最終雖然沒有取得入球，不過卻成功兩次令利物浦後防感到尷尬，13分鐘接應迪基亞長傳後搶點一跣把皮球傳到拉舒福特腳下成就第一個入球，23分鐘再次把露夫雲於高空爭奪擊敗，然後控定皮球策動進攻而出現第二個入球。而每一次球隊有需要做防務時也回到禁區內協防，賽事去到尾段的時候，盧卡古仍有一次機會由後場開始爆上前，這種鬥志便是我們紅魔鬼應有的一環，雖然最終被解圍但順利把皮球由自己後場推前到對方後場並拿到一個界外球來改變形勢，或者讀者會認為只是拿到一個界外球，誇張了其作用吧?! 每個環節的一點點改變，已經足以幫助球隊一大步了。
戰術分析方面，完場後可能不少球評家認為曼聯主場也踢得如此保守，被利物浦拿下超過6成控球權，而且射門次數只有三次，這是一隊強隊主場應有的氣勢嗎?! 足球比賽如同行軍作戰，每一個戰術的運用及對應也會令賽果有影響，如果有看直播的讀者們，想想利物浦有那一球進攻威脅到迪基亞嗎? 所謂的8次射門，也只是隔靴搔癢的進攻，主力的沙拿被楊格鉗制得如同隱形，文尼及費明奴也要走到出三閘線才找到踢球的空間，這便是摩連奴戰術的成功了!!!
另外，摩連奴調教下的球隊，紀律性特強是其特點，而曼聯球員的團結與紀律做得很好很好，今季利物浦做得最好的環節 - 反擊，曼聯球員明白這一點，聰明地將對手正控球的球員拖慢節奏，讓其他隊友馬上回防，這就是團結與紀律了。
再者，甚麼是效率? 三次射門入你兩球，你仲唔肯服? 如非馬達的半車身攻門射斜，隨時出現三射三中三入球的情況出現了吧。如果要相比較的話，今場曼聯的防守做得比作客阿仙奴一仗更好，想想作客阿仙奴的時候，阿仙奴的廿多次射門內大部分都給迪基亞救出，當時不少”偉大”的球評家或球迷問為何曼聯後防可以弱得讓對手出現這麼多射門。好了吧，今場到底是曼聯的後防做得很好還是對手鋒力太弱呢? 再次等著“偉大”的球評家及球迷發聲了………
摩連奴派出楊格全力鉗制沙拿，讓其活動空間減至最低，再讓拉舒福特及山齊士輪流向阿洛的位置進攻，使其出錯頻頻。下半場高普才懂得反應把韋拿杜娒入替阿洛來應對這一點。似乎這兩個針對性部署都是摩連奴完勝了吧?!
最後，為反而反的球評家及球迷仍然會認為有很多不足之處，不過今場賽事已經完結，摩連奴便是用了具效率的戰術來把三分穩穩袋著了。對的，三分已袋。
鳴謝各位繼續支持Ｋ１１的文字直播及即討區，下次再見。
[WKD手記] - 攪攪陣最後一個彎位
“轉埋個彎就入大直路喇！”過埋呢一兩星期嘅調整，往後兩個月直到球季完結都唔會再有喘息機會。襯住呢個彎位不如回顧下兩個位置對球隊嘅轉變。
盧卡古係本專欄出現次數應該最多，因為佢係必然正選、首席箭頭之餘，仲係球迷批同恥笑得最多嘅對象，而我偏偏認為佢值得更多尊重。主觀願望梗係想佢完全取代伊巴，客觀事實就大家都知佢腳下功夫差，尤其係控波呢瓣。無可否認佢對強隊真係無乜入球同助攻，尚未擺脫弱旅殺手呢個花名，甚至因為佢嘅存在而剝削左馬仔同福仔兩個踢正前鋒嘅機會。計我話佢對住頂級防線仲有大把進步空間，但鬥志同心態足夠佢再上一層樓。以前踢拖肥同西布朗成日俾人話佢獨食又罵隊友，今年見到最常激勵隊友嘅就係佢，一個成功或者失敗嘅進攻佢都會拍掌鼓勵，亦交左好多次killer pass俾隊友。球場外嘅評價佢好少回應，但就非常信任教練團嘅分析。一個球員如果謙虛，勤力，用鬥志去面對批評，佢差極都有個譜。英格蘭班國腳成日俾人話得心理質素差到好似小朋友咁，不如向呢個廿四歲魔獸學習下。
麥湯美尼今季彈起為中場帶黎咗一次改革。馬迪一加盟就場場踢足咁滯;普巴就梗加唔洗講，本來買馬迪就係為左彌補佢防守不足，條中場線又點少得佢呢？咁樣一來條中路已經有兩個鐵膽，仲有費蘭尼、靴里拉、米希達恩、馬達，幾個球員爭剩餘一席，連加特後期都加入競爭行列，有邊個會諗到呢個無名小子會上位，同馬迪拍檔緊雙防中呢？從頭幾場表現應該唔難察覺佢踢法有好重卡域克影子：著重傳球、少上腳、無球時尤其見到其閱讀球賽能力。不過佢鐘意企前半格，結果令馬迪防守時同之前一樣咁孤單。聯賽對哈迪斯菲爾德，摩連奴第一次委派佢踢純防中，佢唔算得心應手，但就嚴格執行到穩陣為先。明知自己作為英超新仔未建立到信心就會被對方盯上，於是踢得好簡單，搏到唔少罰球。就係呢場波示範左俾坐係後備席嘅普巴睇，摩連奴對防守嘅要求。我地明白普巴唔會踢死一世防中，呢個亦唔係佢最佳位置，但作為一個全能中場如果無紀律去執行每個中場位置嘅主要職責，又點稱得上全能呢？
曼聯陣中不乏頂級球員，但從部份球員同球賽中感受到佢地對摩連奴設定嘅職責有所懷疑，曾經有一段時間見到球員係場上士氣低落，球迷亦唔知自己睇緊乜。莫耶斯同雲高爾捱唔過呢一段，愈搞愈衰最後都係要同紅魔分手。摩連奴雖然手段好硬，但賞罰分明令佢地保持競爭力同鬥心，當球隊贏波時自然會理解領隊初衷，近排仲反勝埋水晶宮，應該會再團結起黎嘅。中前場就見到唔少正能量喇，條防線呢？迪基亞近仗失兩球近映柱波反映到神有時都係平凡人，前面果四個唔幫手嘅話救得一時救唔得一世。山齊士就話一月先加盟姐﹐班後衛磨合咗成季喇﹐究竟係佢地質素有限定摩連奴教得唔好？
[K11出品] 曼聯K角度 – 表現不佳，鬥心搭夠的反勝
作客水晶宮本是一場不難應付的賽事，但是今屆英超護級形勢特別，多支球隊由季中開始便要打護級戰包括此隊開季極差的球隊。結果主隊開賽便用緊迫踢法令曼聯未能控制戰局，更於10分鐘便被唐辛一次幸運入球打開紀錄，情況尤如作客哈特斯菲的一場賽事，結果曼聯於半場空有控球而無實則威脅下落後，下半場開波2分鐘便再失一球成2:0，球隊表現未見改善，看似失分已成家局之際，球隊卻於53分鐘開始絕地反擊，最終補時由馬迪射入世界波反勝對手全取3分，踢出一場用鬥心搭夠的反勝。
今仗陣容繼續為4-2-1-3，龍門迪基亞，中堅拍擋繼續為史摩寧及連迪洛夫，左右閘分別是華倫西亞及楊格，防中由馬迪配麥湯米尼，中場中由普巴負責，前線由山齊士、盧卡古及連加特出任。
迪基亞今場未能保持不失球，不過卻非迪基亞的責任，10分鐘的失球因省中連迪洛夫而改變方向，47分鐘的近射卻來得突然，但迪基亞於今場賽事再一次表現出神級水準，76分鐘近門救出賓迪基的頭鎚攻門是關重要，若果當時被射成3:2，那來曼聯的絕殺呢?!
後防方面，中堅的連迪洛夫明顯被賓迪基與蘇洛夫的身型所壓制下，多次被對手控定再回傳隊友，而且第一個失球的不幸也因他而來，但連迪洛夫如果能把此問題盡快解決，相信會是摩連奴的心水選擇，因為他用波不俗，而且速度快，路數好。始終今季只是他的地標賽季，還有未來等著他。另一中堅史摩寧，今仗可說是令人又愛又恨，雖然能與賓迪基抗衡高空波，但第二個失球某程度便是他的不集中，不過他卻於53分鐘追成2:1將功補過，但其實我K11對於史摩寧的不滿之處，其實在於他的保守及傳統中堅概念，看到球隊於落後的時候，他的位置似乎縮得太後，令中場與中堅的空間太多，這樣多是因為他的信心不足與傳統防守概念，中堅主要做防守便可以，但值得留意，拜利、連迪洛夫、洛荷等等的中堅也會於球隊需要向對手施壓時把防守線壓前，而鍾斯的情況與史摩寧有點相似，協助球隊進攻的意識不足，不過史摩寧算是目前曼聯中堅位置制空力最強的一位，也是他今季多次成為正選的主因。
左閘的楊格今仗表現只屬一般，雖然傳中球的質素不俗，而且非常勤力，不過未算表現很好，56分鐘更領下黃牌，亦因一次碰撞疑似受傷而於66分鐘由梳爾入替。梳爾是不少曼聯球迷的寵兒，不過為何摩連奴喜歡楊格的原因相信是因為楊格的經驗較好，於適當時間助攻或助守，特別是助攻的時機與位置也較梳爾精準，當然還有絕招的扯45度傳中球。相對梳爾，屬於傳統左閘的他，於助攻時機上似乎仍未得摩連奴歡心，只是防守上會比楊格意識較好，而今場賽事正是曼聯需要進攻下，若非楊格已有黃牌在身及有點傷，相信摩連奴未必會有此換人安排。
右閘的華倫西亞，今仗表現合格，未算亮麗，但卻交出了一次重要的助攻予史摩寧追近至2:1，而由於摩連奴決定一次賭博的陣式改變，66分鐘由馬達入替。入替後的馬達主要是自由人的角色，全場四處走的他令曼聯進攻改善，感覺如同血管般將血液帶到全身，而且馬達的走位也很”生”，令隊友可以有一個好的傳球選擇，72分鐘及88分鐘便分別接應山齊士及拉舒福特的傳送而可以走入禁區造成攻勢。
防中方面，先提提麥湯米尼，此名年青球員已漸漸成為球隊主力陣容，而且表現也非常好，只是今場的形勢未是需要他的一環，半場由拉舒福特入替。拉舒福特入替後於左翼位置出現，他拉闊了球場的進攻令水晶宮中路空位變得更多，而且也有不俗的表現，希望福仔的狀態慢慢地再次提昇回季初的勇態。
另一防中為今場賽事的主角- 馬迪。上仗惡鬥車路士時已有很好的演出而獲得三天的假期，今仗的他再次成為球隊重要人物，本身於防守線前做出屏障令對手的攻勢未能太過直接。而且今仗也加多了助攻的原素，雖然失第二球便因為他犯規而讓對手有快開罰球的時機，不過其後一次禁區內攻門便差點取得入球，可惜被賓迪基護空門。重要時刻出現在91分鐘，當時馬迪於禁區頂拿下皮球，順勢窩利一扯，皮球直飛網仔射入成3:2反超前，助球隊全取3分。賽後被選為MOTM。
中場中的普巴，今仗表現繼續有待提昇，似乎信心仍在恢復中，幸好下半場再次看到很久沒見的遠射，49分鍾及65分鐘也來個嘗試，雖然均被軒尼斯救出，但是有信心的普巴才會出現這些遠射，希望狀態繼續提昇吧。
前場三位進攻球員方面，連加特以一位自由人的身份出現，不過似乎面向門框才是他的強項，走到邊路發展變得平平無奇，39分鐘終於找到一次射門機會卻”食死”了而斜出。當66分鐘一對閘位被換走後，連加特以閘衛身份出現，不過卻可以不時直闖入禁區希望找到機會，雖然最終未有收獲不過摩連奴這個調動也是一個不錯的想法。山齊士方面，開波5分鐘便差點開紀錄，可惜頭鎚攻門被軒尼斯正面救出，其後多次迎波，傳波可惜似乎與隊友默契仍有待改進，不過他其中一樣強項便是直接吊入禁區的直傳卻維持了水準，多次造成了不俗的威脅，而盧卡古追平2:2的入球便是因為山齊士於禁區頂起腳射門省中人後中楣落在盧卡古腳下，算是有一點功勞吧。
盧卡古方面，已經連續3場賽事入波了，而且今場賽事的入球非常重要，因為當時正是2:1的時候，他的入球為球隊追平2:2，更是於禁區內冷靜地找到了空位下的射門。禁區內的球員便應該多點在禁區內展示威脅。其餘時間便一如以往的協助球隊陣地戰進攻，腳下功夫仍有改善空間不過可以看到盧卡古的鬥心十分之強，馬迪射入絕殺球的時候，盧卡古的激動更是一讚，希望各位曼聯球迷可以多多支持盧卡古此名真心為球隊的球員。
戰術分析方面，以上已解釋為何摩連奴選擇楊格而棄用梳爾的原因，而摩連奴相信想不到水晶宮果敢決定開賽便以迫搶來對付曼聯，使各曼聯球員有點不適應，更因一個失球而落後，當然球隊自己也太多誤傳，也太多失誤了，摩連奴也一一盡收眼內，看到即使最終反超前也只是興奮了一刻，其後又是黑面了。半場把拉舒福特換入便是第一個改變，希望把水晶宮密集的中路拉鬆，令山齊士更貼近盧卡古去進攻。
其實今場賽事，連加特的作用很少，66分鐘的時候摩連奴決定用上馬達是今場轉變戰局的關鍵，因為馬達的出現使球隊進攻變得流暢，流暢不是因個人質素而是由馬達帶動了整隊球隊的進攻節奏。使水晶宮原先可以簡單的防守變得複雜起來，需要注意曼聯多方面的進攻，有馬達的入攝、山齊士的傳送、盧卡古的威脅、拉舒福特於K角位製造的麻煩。當然反勝帶點運氣，而且對手只是水晶宮，加上球隊本身的表現也不佳，不過有時比賽便需要鬥心、士氣與信心，連續兩場的反勝，令球隊相信著即使面對逆境，球隊也可以克服過來。下周便是雙紅會，紅魔鬼，來吧!
鳴謝各位繼續支持Ｋ１１的文字直播及即討區，下次再見。
[WKD手記] - 攪攪陣
守和西維爾後，我諗無乜人會話踢得好好掛，頂多係零比零呢個賽果唔算太劣勢。另一邊車路士係歐洲戰線都只能打和收場，但人地係欠運先贏唔到西甲榜首，就算曼聯有主場之利都預左會踢得好辛苦。呢兩場防守都唔少低級錯誤，係人地啲前鋒識攪攪陣定我地自亂陣腳？
外界成日揶揄摩連奴對強隊淨係識泊大巴，同佢以前教過嘅球隊比，曼聯好似最唔穩陣。往日見識過真正車仔同國米嘅銅牆鐵壁，而紅魔最近不失球幾乎都係因為迪基亞多番神救，而唔係後衛限制到對方埋門機會。
自從係奧脫福睇過畢爾包踢曼聯出局後，一直都覺西甲隊好難踢。西維爾有好多次零壓力頭槌都頂唔穿迪基亞十指關，但點解會有咁多球空哂任頂呢？臨完上半場前，西維爾右路一次傳中，馬迪因為補位而唔敢向華斯基斯施壓，華斯基斯企係佢同史摩寧之間就拑制哂兩人企位，梅利爾就入左無人之境。華倫西亞應該觀察到完整情況，但都犯左同樣企位錯誤，可見西班牙式入攝拉空對靈活性甚低嘅曼聯非常有效。
回到英超，車路士先開紀錄，又係一記BB式防守失誤。當韋利安係中場交波俾夏薩特時，曼聯其實有足夠人手應付三人反擊，絕對唔應該有任射龍門嘅情況出現。最大責任當然係麥湯米尼喇，佢好明顯掛住望波而將防守目標轉左做已經有連迪洛夫招呼嘅夏薩特，韋利安就係咁樣食左全季最大塊叉燒。咁其他人呢？淨係講果球攻勢，佢同連迪洛夫、楊格三人之間毫無交流，只能斷估隊友企位同判斷整個防守形勢。就算唔能夠預判韋利安前插、只要簡單用言語或者肢體動作表示夏薩特由佢黎盯實就已經有可能提醒到隊友。咁講可能馬後炮，但對於中堅黎講，每一次防守時手口並用咁溝通、指揮同協調防線係基本技巧，等到有危機先咁做就已經比本能反應慢。現時陣中仲有邊個會指手劃腳？比盡都係守死球果陣史摩寧會指揮多啲。唔改善呢個問題嘅話攞幾多人係後面都係會走甩啲走位型前鋒。
掉返轉睇，我地又有邊個用跑動黎擾亂對方防線，增加佢地離開崗位同溝通失誤嘅機會？當然係連加特喇，佢換入後無時無刻都搵機會係擺脫後衛視線範圍，就算最後唔交波俾佢都已經分散左防線注意力。由米希達恩到福、馬、山，始終係連加特最踢得出”盧卡古身後自由人”呢個角色。佢同前面講果幾個人最大嘅在於用波簡單直接，縱使有時會玩下腳法，佢俾嘅波走嘅位永遠都最容易令隊友理解；佢亦唔會強求攞到波先突破，成日無球反越位入攝之餘，縱向橫向跑動都做到足。入波非僥倖，佢唔夠其他新星出名，但絕對係曼聯嘅一粒寶石。
[K11出品] 曼聯K角度 – 奧脫福的漂亮反勝
主場迎戰車路士，賽前的壓力不少，亦被多踢一場的利物浦反壓搶佔聯賽第二位，賽事開局更被對手所控制，更先落後一球，結果由盧卡古破BIG魔咒下更交出一入球一助攻帶領球隊反勝，踢出漂亮一仗，順利繼續維持聯賽榜第二位，更進一步拋開與車路士的積分。
今仗陣容繼續為4-2-1-3，龍門迪基亞，中堅拍擋繼續為史摩寧及連迪洛夫，左右閘分別是華倫西亞及楊格，防中由馬迪配麥湯米尼，中場中由普巴負責，前線由馬素爾、盧卡古及山齊士出任。
車路士今場考驗迪基亞的射門不算多，除了失球因韋利安太近及狂抽近柱下，其他射門最考驗迪基亞的是下半場的陽光。真禾達及韋利安於56及68分鐘的攻門也令迪基亞有點甩手幸好即時補救成功，而韋利安於76分鐘再次挑戰迪基亞但今次被迪基亞牢牢接實。
後防方面，中堅今仗由史摩寧及連迪洛夫合作，史摩寧今仗表現出色，除了3分鐘被莫拉達近柱接應阿朗素傳中中楣外，其餘時間令莫拉達接近隱形或多次跌低而已。連迪洛夫方面，今仗表現算是合格而且帶有運氣，因為莫拉達於下半場的越位入球，在慢鏡重播下算是平排的，幸好電光火石間球証走漏了眼而已，不過連迪洛夫於中場被人緊纏下而需要後場作出傳送的任務卻是做得不錯。
右閘的華倫西亞與阿朗素全場進行不少決鬥，雙方互有優勢，不過由於右翼不是馬達的位置下，加上阿朗素於翼衛的能力非常不俗，令華倫西亞助攻也有所限制。67分鐘更因阻人前進而領下黃牌。左閘的楊格方面，與摩西斯同樣來個對決而雙方今仗的表現也有點失色，算是平手吧。不過楊格不時也要應付韋利安的情況下卻顯得有點困難。
防中方面，馬迪今仗表現非常出色，或者是因為面對舊主要顯身價吧，於後防線前形成一道堅固的屏障。除了開波初段一次回傳失誤外，全場高空爭奪全勝，作出多次搶截而且可以控定及保護皮球後傳交隊友。不過因體力問題於賽事尾段抽筋，此名無名英雄，賽後獲摩連奴放假3天。而作為曼聯球迷，再次感謝車路士把馬迪賣了給我們。
另一防中的年青球員麥湯米尼，今仗任務便是把夏薩特緊纏，而此名近期火速上位的小將也表現不俗，令夏薩特全場只能在外圍游走，未能造成威脅。可惜31分鐘於車路士一次突擊的情況下卻有點失誤地讓夏薩特直傳韋利安而引致失球，不過此失球只能說是對手把握後防一次被突擊而造成混亂下的失誤。最終麥湯米尼把夏薩特的體力耗盡並於72分鐘被換離場。
中場中的普巴，今仗重回正選而且踢出一場不俗的賽事，由於身後有馬迪及麥湯米尼的保護，普巴可以盡情一點地進攻，多次把後場與前場連成一線。不過由於山齊士喜歡回後取球，令普巴與山齊士有點重疊而影響了雙方的發揮，仍需要磨合。
前場三位進攻球員方面，馬素爾踢回自己擅長的左路，而隊友們都多次給予機會作出單對單進攻，25至27分鐘共作出了三次傳中而27分鐘的一次造出最大威脅，可惜山齊士處理一般令機會流失了。但今季馬素爾成熟的地方便是傳盤帶射也有了不少進步，38分鐘於禁區內接應山齊士傳送後橫傳盧卡古使其追平的入球可見一斑，時間、力度及位置都正好讓盧卡古舒適地處理。63分鐘連加特入替體力已咁上下嘅馬素爾，於年初有著火熱狀態的此名曼聯青訓於山齊士加盟後也回到復備席上，不過每次出場也為球隊拼盡的精神非常值符讚賞，而且今季明顯地在各方面都有著重大的進步，包括了入球的能力，74分鐘一次入攝禁區接應盧卡古傳中一頂入網成2:1反超前，看到其信心的表現。
山齊士方面，一向其努力的進攻與防守，不過始終與隊友的默契仍有待改進，而且踢法上太習慣於回後取球向前，與摩連奴要求更靠近盧卡古有點差異。27分鐘的處理也看到其狀態未在最佳，幸好38分鐘的直傳令馬素爾可以直接助攻盧卡古追平1:1。下半場66分鐘於禁區頂吊入禁區予盧卡古車身射門的效果便是摩連奴希望山齊士所做到的了。79分鐘由拜利入替，以加強防守及讓其休息。拜利傷癒復出後，今場昤其效力曼聯第50場的賽事，雖然只有十多分鐘但卻能為其尋回比賽節奏有著重要作用，而最重要是球隊最終能全取3分而回。
正前鋒的盧卡古，今仗可以說是光芒四射，由於其面對BIG6極差的數據一直是傳媒炒作的新聞，相信他也有著不少壓力。開波初段也看到其不夠信心的情況，但仍然非常努力。直到38分鐘於禁區內接應馬素爾橫傳後控定，用其身型把阿朗素拒之門外，然後冷靜地燙地波為球隊追成1:1。下半場66分鐘的時候，山齊士於禁區頂傳中予盧卡古，其作出了半車身的射門可見其功架，可惜被古圖斯僅僅救出。到了74分鐘，走到右路邊線的盧卡古作出傳中，而且力度及位置也剛好讓連加特頂入成2:1，到了92分鐘，看到盧卡古的信心滿瀉下，單騎由中場爆過三人到車路士禁區，雖然最終射門被封但此爭勝心及鬥志令人稱讚。結果一入球加一助攻的盧卡古，賽後繼足總盃的賽事後再次成為MOTM。
戰術分析方面，面對車路士需要在今仗全取3分，摩連奴明顯使出其看家本領的防反戰術，雖然開局只是一般，但慢慢地球隊能踢出其部署，包括麥湯米尼的人釘人戰術壓制夏薩特的能力，山齊士與盧卡古於下半場更靠近去造更多的攻勢及換入連加特達成反超前入球的換人。
當然其實最重要是無名英雄的馬迪要發揮到其作用，下半場拜利入替時交給馬迪的戰術紙相信是希望馬迪更多於禁區頂防止後備入替的柏度作出遠射及法比加斯作出直線的安排。
今場賽事，由先落後到反超前，雖然表現不完美，但卻更顯得出足球的美妙之處。今季餘下的賽事將場場重要，希望球隊表現可以繼續維持，爭取好成績。
鳴謝各位繼續支持Ｋ１１的文字直播及即討區，下次再見。
[WKD手記] - 領先一球永遠很危險
足總盃第五圈再遇哈特斯菲，無論賽前賽後都有討論話題，不過最重要都係成功出線。可能聯賽已經無行，上一場落後時好似唔太肉緊咁，感覺上黎到盃賽就少啲包袱，多啲鬥志。莫耶斯講過領先一球永遠很危險，用黎形容呢隊曼聯都仲係咁貼切，係巧合定事出有因？
上星期分析過後防過少參與組織會限制咗進攻能力，呢個問題上半場再一次表露無遺。開波早段就靠盧卡古一己之力先開紀錄，其後三十五分鐘幾乎俾對面猜住黎攻。今季我地早早領先嘅情況唔多，即使有都好少提前鎖定勝局，通常都係六十分鐘打後先入到保險球。有踢開業餘隊/聯賽嘅讀者，入完一粒隊友最鐘意講咩？“未贏架，當零比零咁踢！”
曼聯球員偏偏唔係咁諗，贏緊一比零反而愈踢愈縮。唔係要同曼城做比較咁極端，但見到哈特斯菲控球時條防線都企得比我地積極就知有問題。
控球在腳果陣，中堅無拉開距離等防中落黎當第三中堅咁踢，一個死實實嘅442，兩閘自然上唔到去，人地邊路四個人盯馬達同山齊士就緊係容易喇。短傳目標同路線都太易估到，跑多兩步已經令史摩寧同連迪洛夫，甚至係迪基亞局放長波，落點一般之餘，對手亦好少走甩哂第一二點。反觀人地做到哂上述踢法，一個對角直線放去右路會見到閘翼湧上去接應，好在佢地係中路真係無乜邊個有破門能力，我地班後衛頂得住啲高空攻勢，守得住領先優勢。
因為縮得入而逐漸放棄控球權，成個過程可以見到山齊士同其他球員嘅思維有別。作為翼鋒佢希望直接俾壓力對面中堅，迫右閘返黎幫波而唔敢壓得太前，但要成功執行就需要隊友配合。防線深得滯令到梳爾同山神距離太遠，對手變相有更多空間入攝，所以山齊士最後都跟返梳爾黎企位同協防。係呢種決策上無話邊個啱哂，最重要係成個團隊一齊執行。佢爭勝心強而且敢於表達諗法所以一加盟就指手劃腳，但如果咁樣可以激發到隊友同加快融入速度，又點會係壞事呢？
