曼聯前CEO 之子重返校園箇中因由

olivergill291217.jpg

球壇向來人才輩出、後浪推前浪,來自各地的優質青訓有如恆河沙數、數之不盡。在激烈的競爭下,能夠打入U18梯隊的已經寥寥無幾,能為英超球隊效力的,更是鳳毛麟角。

奧利華‧基爾是曼聯前行政總裁大衛‧基爾的兒子。在2009年12月,曼聯在歐聯分組賽對陣禾夫斯堡的賽事中,基爾曾在曼聯的後備席中候命,而奧雲則在那場比賽中大演帽子戲法,為紅魔鬼全取三分。2011年5月基爾當選曼聯年度最佳預備組球員。 然而,在2011年暑假,他竟拒絕了與曼聯續約,轉而到大學修讀經濟。

現年26歲、在羅兵咸永道會計師事務所從事鑒證業務的他在接受獨立報的訪問時,透露了為何他棄足球於不顧,毅然離開曼聯這支傳統勁旅。 「這絕對是一個艱難的抉擇。許多人問我為什麼要這樣做,可是從來沒有人贊同我的選擇。儘管我現在過著案牘勞形、日夜工作的生活,但我仍會堅持下去。我有時會為此感到一點後悔,但只是一點而已。」

基爾其後被借往英乙的巴拉福特城,使他意識到自己的實力跟英超球員並不在同一個層次,打消了他成為職業足球員的夢想。 「外借的經歷讓我學到了很多,它並沒有讓我意志消沉,但或許讓我意識到這並非我渴望的生活。巴拉福特城跟卡靈頓訓練中心有著天淵之別。球員們要在附近的學校進行訓練,有時候甚至連體育場館也沒有。相對而言,那裡的球員生活是非常業餘的。 」

「我不會說我是因不獲正選,而發現自己需要離開。我會說是外借的經歷使我察覺到自己力有不逮,實力未能達到我所期望的水平。我看到自己的短處,我知道自己不能成為曼聯或英超球員,而我也看到我的非運動員朋友的日子快樂,所以我選擇了我渴望的生活。 」

「我希望給自己一個在大學生活的機會,我認為我在那裡能更好的享受人生。這當然不是指我不享受在曼聯當全職球員,但我意識到自己不足以在曼聯或別的英超球隊立足,而我對在低級別聯賽打滾興趣不大。所以,如果讓我再選擇一次,我依舊會作出相同的決定,儘管並非所有人也會贊同,但這對我來說才是正確的選擇。」

足球從來不是所有人的唯一歸宿。

前曼聯門將教練史迪利回憶錄

Ferguson-31.jpg

前曼聯門將教練史迪利係外國報章寫左篇文章,內容係佢憶起當日說服費Sir 簽入迪基亞嘅往事。史迪利話佢記得27 年來費Sir 只係缺席左兩場曼聯賽事,一次係2000 年嘅曼徹斯特打吡,因為佢要出席阿仔嘅婚禮。而另一次就係為左考察迪基亞。

史迪利諗番係2008 年加盟曼聯時,第一樣展開嘅工作就係為雲達沙嘅退休做好準備,亦即係要著手搵曼聯一號球衣嘅接班人。佢好努力說服費Sir 19 歲嘅迪基亞就係最佳人選,首先佢整合左迪基亞三場賽事嘅精華燒做DVD 比費Sir 睇。2010 年9 月22 號,佢地飛埋去西班牙睇馬體會對華倫西亞嘅賽事。而個一晚曼聯要係聯賽盃迎戰斯肯索普。

係個場賽事65 分鐘內,費Sir 就認定迪基亞將會係一筆絕佳嘅簽約。迪基亞係球場入面神情自若,但係就保持集中,亦都展示佢敏捷嘅反應。其中一球係佢係球員混戰入面做出一個靚絕嘅撲救。

史迪利繼續表示,當時費Sir 為一個小朋友作出一千七百萬鎊嘅報價,係一個好勇敢嘅決定。費Sir 對於心儀嘅年青球員往往都會保持耐性,想睇多幾次再做決定。但係簽入迪基亞就唔同,佢係第一次迅速咁對一個年輕門將做出買入嘅決定。迪基亞加盟無耐時,大部份球隊都針對佢身體上嘅弱點做重點打擊,但係曼聯並無因為咁而改變迪基亞嘅改善計劃。曼聯上下都深信迪基亞一定會展現佢嘅實力。

費Sir 同史迪利一直都鼓勵迪基亞,而費Sir 更加無批評過佢,係一次都無。費Sir 試過將佢放係後備席,但係從無對住迪基亞開過風筒。再睇睇依家嘅迪基亞,佢最突出嘅優點係係球場上佢可以保持鎮靜。佢依家成為左世上最強嘅門將,係英格蘭只有車路士嘅高圖爾斯係接近佢嘅level。迪基亞嘅實力值得同舒米高相提並論。舒米高加盟曼聯時27 歲,雲達沙就係35 歲,迪基亞,今年先27 歲,但係就啱啱先踏入佢嘅高峰時期。史迪利係文章尾段寫道:「相信我,迪基亞只會繼續進步,變得更強。」

加利佬: 我要做商界大亨

曼聯名宿加利尼維利:「我相信我不會再次擔任教練了,我已經與這距離很遠。當然我不會把話說死,或許十年後我會再次燃起當上教練的衝動。我依然熱愛足球,依然喜歡在隊內的氣氛,但我已經不想再處於那個環境下了。」 「十五個月前,我仍然是英格蘭的助理教練,十九個月前,我仍然是華倫西亞的主教練。因此,這並不可能去說我永不會再當上教練。不過,在這段時間我已經放棄了兩到三間英超球會的邀請,我亦放棄了兩間英冠球會的工作,這刻我不想再次執起教鞭。」

Gary-Neville-009.jpg

 

「之前我選擇執教華倫西亞是因為我的生意伙伴的邀請,而且我認為一名英格蘭人能夠執掌一支西班牙頂級聯賽的前列球隊,這樣的機會不會再次降臨。縱使結果不盡如人意,但我仍然享受的曾經任教的每一分每一秒,亦令我上了一課,將之實踐到我的商業領域。我不會後悔在西班牙的日子,我喜歡過往在華倫西亞的日子,但遺憾的是我不能繼續執教了。」 「在我現今身兼多職的情況下,我已經難以在足球的領域上再次上路,因為這代表我需要放棄我現今所擁有的計劃。我已經選擇將自己五年後都投放到足球以外的地方。作為一名足球教練,你可以運用自己的價值觀以及處事原則影響你隊中的球員,但最多也只有大概二十人。我開始思考怎樣才能影響得更多,更廣泛。」

 

gary-neville.jpg

「我的終極目標是在未來五至十年學習更多關於商業、體育、傳媒以及教育,然後將這些經驗在未來十至十五年實踐,並找到屬於自己的定位。最終我能夠稱自己為商界大亨,又或是傳媒人,又或者教師。」

22752651_10155198458967266_638443026_n.jpg

摩連奴上任臨困境、新魔帥慧眼引新援

2seW_a62gyQ_l.jpg

摩連奴去年接替雲高爾成為新任魔帥,迎接他的除了一眾忠心的球迷外,還有一片頹垣敗瓦。在傳奇領隊費格遜退休後,球會進入「後費格遜時期」,失去了往日的風采、以往教人聞風喪膽的紅魔鬼只能以第五位完成賽季,使走馬上任的摩連奴亦不禁以「爛攤子」來形容當年的曼聯。

摩連奴在接受時代雜誌訪問時透露,他接手的曼聯在某程度上落後於別的英超隊伍。 「別的球會都在改革,但是曼聯沒有,一切能使球會成功的範疇均停滞不前。」 「當我說球會的時候,我指的是球隊和圍繞它的所有事務,而不幸地,它們都有極大的問題。球會自身的問題並不嚴重,因為球會的價值遠遠超乎球隊的成績,它代表來自世界各地的球迷的熱情,同時也是一盤生意、以商業手法來營銷。像曼聯這般有規模的球會,就算在十年內沒有贏得任何獎盃,它也不會倒下,曼聯也依舊會是曼聯。」

「所以我上任後的第一步便是開始改革,嘗試把球隊引向正軌。但在此之前,我認為球會需要先滿足球迷的殷切期盼和激勵球員的士氣,而贏得獎盃是最有效的方法,所以我們去年在盃賽中竭盡全力。這也是我在季尾放棄英超的原因,歐霸盃冠軍的意義遠比英超第三、或是第四重大。」

改革並不是一朝一夕間能夠完成的事,它需要無比的耐心、周詳的計畫和漫長的等待。摩連奴估計自己需要三年的時間來帶領曼聯重回英超、歐洲、乃至足球之顛。而算無遺策的他在改革開始前已經弄清自己需要哪些球員的幫助,他才能轉會窗中大展拳腳。

 摩佬深信普巴未來十年都會有好表現

摩佬深信普巴未來十年都會有好表現

 

「我們在暑假便會開始譜寫未來,決定將來的陣容;而我們在一月則會提供豐厚條件利誘那些快將約滿的球員加盟,我們在那時亦會作出緊急收購。」 「我甫一上任便認為球隊需要一個有質素、有個性的球員來幫助我們重拾失去了的紅魔本色。而球會上下亦絕對贊成我簽入普巴,它是一個面面俱全的球員,我相信他會在未來十年間持續交出好表演。」 「大家也很清楚伊巴謙莫域不會是曼聯的長久重心,但是我認為我們需要像他般自信的球員。要知道,他是那種來到曼聯後會感概『這是一個偉大的球會—就像我一般。』的人。」

「至於米希達恩和拜利,他們均擁有當時球隊所欠缺的特質。米希達恩花了一些時間適應英超,但是他在進攻上有著不同板斧,是一個集多功能於一身的球 員。拜利則是一個強壯、迅速的中堅。兩人的優點都是曼聯所欠奉的。」

510454A0371643CFAF036A228D5DBB52.jpg

當談及本季的三位新援時,摩連奴說:「當年在我麾下的盧卡古還是一個孩子,他為了獲得更多機會而離隊,但他是一個優秀的球員。這些年來我們一直也有緊密的聯絡,關係也不錯,並沒有因為他的離開而反目,這大概是因為他也理解我當年不能提早給他太多機會吧。儘管在他離開車路士後,我們再沒有機會合作,但我堅信他是一個專業、優秀的球員,而且他已經從一個孩子、長大成為一個男人,所以我便把他帶到曼聯。」

「在我的教練生涯中,我找不到比馬迪更好的球員,他可算是我的『親兵』。儘管我們有幾年不能共事,但我們還有保持緊密的聯絡,所以我知道這位優秀的球員比當年更成熟。」 「連迪洛夫是新援中唯一一位從沒有與我合作的球員。但是我在葡萄牙有著很廣的人脈,儘管我人不在葡萄牙,但是我也能得到很多的資訊,包括不同球員的能力、他們的社交生活、甚至是他們的私生活,所以我才能簽入連迪洛夫。」

 

機會黎啦 飛雲!

又有多一名青訓入選一隊大軍名單啦!近排傷兵源源不絕,加上爆炸頭上場領紅出場需停賽,令到中後場既兵源有啲緊拙,摩連奴調派U23球員麥湯美尼上一隊補位,呢個機會實在難得啊,加油啊年青人!唔講唔知,原來麥湯美尼曾經比前曼聯U21 教頭祖斯華倫盛讚可以成為一個稱職既box to box中場。不過由於前鋒短缺,今季麥湯美尼多數擔任輔鋒,仲已經入左3 球。

大師兄番黎啦!

馬達早前就因為腹股溝受傷而要做手術,預計今季既餘下賽事都無得踢,但琴日摩連奴就係星期日對陣史雲斯既大軍名單裡面加左馬達個名,唔知係咪因為知道呢場對手會博哂命拎分,點都要搵番大師兄番黎幫幫手呢?不過佢岩岩做完手術,應該都會係坐後備席。馬達既歸來相信對於米希達恩黎講亦係好事,因為今季雙M組合既化學作用不容忽視,近排米希達恩既狀態麻麻,睇黎都係要大師兄你番黎激活下佢啦!

摩連奴終於有方法解決後防問題!

曼聯中堅接連受傷,依家可用人選只係得番拜利、白連特同埋杜安沙比。不過拜利已經踢足4 月全部8 場賽事,都真係時候要抖抖,但係杜安沙比又只係踢過一場足總盃賽事,怯唔怯場都成一個問題,咁聽晚場波中堅位置點排好?摩連奴就話佢會挺身而出!佢係賽前記者會話:「係,我地中堅係得番三個人選。」「我覺得白連特同拜利合作得好好,佢地已經三場聯賽零封對手。我會再同佢地傾下,睇下佢到覺得點再做決定。」「我都已經係Gym 房好努力咁操,所以我都係其中一個人選。你地可能係星期日見到嘅中堅組合就係摩連奴+杜安沙比。」哇,摩佬,我驚你落到場跑都跑唔郁wo!

拜利透露加盟曼聯原因

最近曼聯鬧中堅荒,不過拜利上乘嘅表現令大家都好放心。佢最近就講到自己係上年暑假獲得幾間球會青睞,不過最後都係揀曼聯,原因就係:摩連奴。拜利係Daily Mirror 個訪問到話:「我一直都知道摩連奴好善於發揮後防球員嘅潛能。」「我有睇開華拉尼嘅比賽,亦都睇到佢係摩佬麾下一步一步咁進步,我相信摩佬會幫到我成長。」「去英格蘭之前我係有D 憂心,不過一班有經驗嘅球員幫到我好多。」「卡域克成日都同D 年青球員傾計,史摩寧有好豐富嘅經驗,華倫西亞都好幫到我,當然唔少得朗尼啦。」黎緊曼聯仲有好多場硬仗,後防靠晒你喇,千祈唔好傷啊!

科素文沙可能收咧

尋晚曼徹斯特打吡戰,係86 分鐘入替嘅科素文沙因為一次落地攔截而導致膊頭受傷。初步評估係甩臼,若果係堅的話,相信今季都唔使再預佢。摩連奴賽後亦都承認佢嘅受傷係屬於"important injury"。今季只係係英超上陣3 次嘅科素文沙,係季尾中場人手緊絀情況下,再加上費蘭尼又食張紅牌,本來大有機會去表現自己,可惜佢實在傷得太唔合時喇...

普巴缺陣打吡戰

曼市打吡戰賽前再傳出壞消息,摩連奴證實係上場尾段傷出嘅普巴唔會入選作客大軍,令到中場嘅選擇又少一個。不過都有好消息嘅,就係華倫西亞同靴里拉都無大礙,聽晚可以落場。季尾連場大戰,傷完一個又一個,睇來曼聯要爭歐冠席位都唔係咁樂觀,不過摩連奴就話:「我相信我班球員。我同班球員都係戰士,直到球季最後一秒,我地都會繼續奮鬥。」

點解摩佬成日都公開批評球員?

由開季到依家,摩佬大大話話都公開批評過幾個曼聯球員,當中包括:朗尼、米希達恩、梳爾、史摩寧、迪基亞同埋馬素爾。好多人都懷疑摩佬係咪打緊心理戰呢?因為有好幾個球員真係比佢批評完之後,表現有明顯改善。不過摩佬就話:「我唔係玩緊心理戰。」「如果你已經出盡全力去踢,我無可能再要求你付出更多,呢個係一個常識。」「好似福仔咁,有時佢表現唔算特別好,但係我睇得出佢落到場真係搏盡,所以我唔可以向佢要求更多。」「我只會同佢講:『否極泰來。』」「所以我公開批評球員,係因為佢地無全力以赴。如果佢地有做到呢一點,我一樣會感到高興,而唔係因為佢地有無交出好嘅表現。」

伊巴有話兒

自從歐霸八強次回合之後,伊巴終於係社交平台講自己受傷後嘅狀況。伊巴好多謝球迷嘅支持,強調自己唔會因為咁就退下來,佢仲好霸氣咁話自己用一隻腳踢波都得!有外媒話曼聯已經決定唔同伊巴續約,但係就會負擔伊巴康復期間嘅醫療洗費,呢個傳聞係未經官方證實,所以有關伊巴嘅去留,大家都要再等下消息!見到伊巴受左大傷之後都無意志消沉,小編真係老懷安慰,希望佢快D 好番可以再著曼聯波衫踢波!

利物浦一分不保!

第34 週聯賽利物浦主場對水晶宮,雖然利物浦先開紀錄,但係被高普賣走嘅棄將賓迪基,係上下半場各入一球,反勝利物浦2:1!賓迪基今次真係一吐污氣!不過利物浦主場輸波之後,前四位置更形複雜,曼聯同曼城都係踢少利物浦兩場,但只係落後3 分同2 分。換句話講依家爭奪前四嘅主動權已經落左係曼市雙雄手上!

又要比錢!

馬素爾係對般尼時射入打開紀錄一球,呢球亦係佢係曼聯嘅第25個入波!亦即係話又到左曼聯係荷包比錢嘅時間喇!根據馬素爾份合同,當佢射入第25球,曼聯就要比八百五十萬鎊 摩洛哥 。而較早前曼聯已經比左三千六百萬鎊買呢位法國國腳,曼聯已經前後為馬素爾出左四千四百五十萬鎊。其實馬素爾轉會合同仲有其他附加條款,如果呢D 條款一一達到,曼聯比嘅轉會費將會超過五千萬鎊!不過小編覺得如果馬素爾打得好嘅,比多D 錢又真係無所謂wo!

洛荷長抖

另一個係八強受傷嘅球員洛荷,經過檢查後證實左膝十字韌帶撕裂,需要開刀做手術,佢最快都要今年九月先可以復出,即係話今季佢已經收咧。依家曼聯已經傷左史摩寧同鍾斯,再加上洛荷,前後傷左三個中堅。係季尾聯賽爭前四,歐霸爭冠軍嘅情況下,接連損兵折將,對曼聯黎講真係一個惡耗。相信摩連佬會以白連特甚至係小將杜安沙比作為今季餘下賽事嘅正選中堅。由於幾個中堅都係容易受傷的男人,式者連迪洛夫會再次成為曼聯重點收購對象。