馬達收咧

曼聯中場馬達早前因為腹股溝受傷而開刀，佢之前都好想爭取係季尾再次為曼聯上陣。不過摩連奴就確實左馬達今季唔能夠再上陣，正式收咧。有記者問到摩佬馬達幾時可以復出，摩佬就答5 月尾，而曼聯今季最後一場英超聯賽係5月21號對水晶宮。所以今季英超應該都唔會再見到馬達，如果成功殺入歐霸決賽，就會係5月24號踢，不過馬達夠唔夠Fit 踢都係未知之數。換言之今季為曼聯射入十球嘅馬達，要打破自己係曼聯嘅單季入球(10球)紀錄，機會都幾渺茫。至於鍾斯同史摩寧，摩佬就話可以係5月中復出。