神話破滅？

尋日曼聯雖然成功殺入歐霸四強，但就要付上沉重代價---伊巴同洛荷受傷。當中以伊巴傷勢較為嚴重，經過檢查後，伊巴右膝韌帶撕裂，唔單止今個賽季報銷，最壞情況起碼要休息到明年1 月。突如其來嘅受傷令到曼聯同唔同伊巴續約成為一個轉捩點，而相信對伊巴一直充滿興趣嘅洛衫磯銀河亦都可能「行人止步」。不過最大問題係伊巴自己會唔會係呢個時候就選擇掛靴？「得伊巴得聯賽」呢個神話或者會係曼聯呢到畫上句號。