摩佬一入主曼聯，下季季票就賣哂！？

原來曼聯下季季票一度滯銷，去到四月中銷情仲係好低迷，為數千計嘅曼聯季票持有者遲遲唔肯去更新佢地張飛，令到曼聯官方要將認購deadline 推遲到6 月1 號。但係上星期五曼聯官方宣佈摩連奴入主曼聯之後，下季季票就極速賣哂。相比之下，雲高爾執教之下嘅季票銷售量就創新低，曼聯一度寄出左成萬封信比係waiting list 嘅球迷(即係部份買唔到季票嘅球迷會列人waiting list) ，話比佢地知佢地仲有機會買到季票，希望增加銷量，而呢個做法係前所未見。