間接幫曼聯係主場執番一分嘅梳爾，終於出聲講到自己嘅未來，佢決心要留係曼聯，為自己嘅位置奮鬥！梳爾話：「我好鐘意曼聯嘅球迷，就算呢排我地表現麻麻，佢地都係無與倫比嘅。」「我會繼續努力，奮鬥至最後一刻。我唔會放棄，因為我好鐘意曼聯，我會付出所有令自己可以繼續留係到。」
雖然屢次被摩連奴狠狠批評，不過梳爾都話會繼續聽從領隊指示。「依家我已經好努力咁表現自己，前所未有咁努力。」「我依家的確係經歷緊一段逆境，但係我好想證明所有睇死我嘅人佢地係錯嘅。」「摩佬話想睇到我奮鬥，我會奮鬥到最後一刻，因為我想留係到。」「我想為領隊踢好每場波，我想幫曼聯重返顛峰。」至於球迷對佢展現嘅熱情，梳爾就話對佢黎講意義深重，佢永遠都唔會忘記。佢亦都唔想球迷因為佢而失望，佢會為球迷、領隊、球會而戰！
